MERKEZÊ XEBERAN - Bi nêzdîbîyayîşê serrgêra qetilkerdişê Jîna Emînî reyde, zextê dewleta Îranî zêde bîyî û tewr tay 23 çalakîkerî û welatijê kurdî ameyî tepiştiş.

 

Xoverdayîşê “Jin jiyan azadî” ke dimayê qetilkerdişê cinîya kurde Jîna Emînî, Îran û bajarê Rojhilatî de dest pêkerd, serrgêra ci ya yewine nêzdî bena, ame zanayîş ke hukmat zextê xo zêdeyêr kerdo. Ame dîyarkerdiş ke dewleta Îranî zextê sivîlan bi taybetî çalakîkerê kurdî û keyeyê Jînaye keno.

 

Tewr tay 23 kesî ameyî tepiştiş

 

Goreyê raportê Torra Heqanê Merdiman ê Kurdistanî mîyanê 5 rojê vîyarte de tewr tay 23 çalakîkerî û welatijê kurdî bajarê cîya yê Rojhelatê Kurdistanî de ameyê tepiştiş.

 

Çimdarîyê kurdî sewbîna dîyar kerdî ke hukmatî zext keyeyê kesê ke serewedaritişê “Jin jîyan azadî” de dinyaya xo bedelnayê û esnafê ke dimayê kiştişê Jîna reyde Rojhelat de derabeyê xo padayê, keno.

 

Çimdarî bale ant serê nê çî ke Îran de lezê tepiştişî dewam keno. Heta nika 13 çalakîkerê cinî bajarê Gîlanî de ameyî tepiştiş. Mudûrê Polîsan ê Gîlanî îdia kerd ke çarçewaya pîrozbayîyê serrgêra serewedaritişê şarî de çalakîkerê heqê cinîyan hemverê asayîşê neteweyî çalakî organîze kerdê.