Rojda Aydin

 

WAN - Endama Meclîsê Ciwanan ê Partîya Çep a Keske ya Wanî Helîn Koçak, bale ant serê kampanyaya “Hemverê şerê taybetî têkoşînêk bi heybet”  û dîyar kerd ke hemverê tîryakî, fihûş û ajanî de do taxan de xebatan rayra berê û biresnê keye û ciwanan.

 

Îktîdarê AKP-MHPyî, Kurdistan û Tirkîya de hemverê ciwanan polîtîkayêke taybet ê şêrî dano rayraberdiş. Bi taybetî serranê dawiyê de li Kurdistanê bikaranîna tiryakê, ferzkirina peyîn de û zêdebîyayîşê ajanî sey polîtîkayêke yena rayraberdiş. Hemverê polîtîkayê şerî Meclîsê Ciwanan ê Partîya Çep a Keske bi sloganê “Hemverê şerê taybetî têkoşînêk bi heybet” kampanyayêke dayî destpêkerdiş. Meclîsê ciwanan binê nameyê na kampanya de dest bi xebatanê xo kerd.

 

Endama Meclîsê Ciwanan ê Partîya Çep a Keske ya Wanî Helîn Koçak, serê kampanya de qisey kerd.

 

Kurdistan de polîtîkayê taybetî yê şerî

 

Helîne, dîyar kerd ke îktîdar bi polîtîkaya şerê taybetî wazeno pêro raşteyê cuye yê ciwanan bigîro destê xo û vat, Wan û xeylêk bajaranê Kurdistanî de serê ciwanan de polîtîkaya şerê taybetî yena rayraberdiş. Helîne, dîyar kerd ke vernîya ciwanan danê tiryakî û fihûşî û wina vat: “Kuçeyê Wanî û bajarê bînî yê Kurdistanî caardişê tiryakî û ferzkerdişê fihûşî xeylêk vila bîyo. Seba ke bi polîtîkayê taybetî no çî yeno rayraberdiş, tu mudaxale nîno kerdiş û polîsî bi xo zî vînenê la çimanê xo padanê.”

 

‘Îqtîdar rihê têkoşer yê ciwanan ra terseno’

 

Helîne, dîyar kerd ke hetê polîtîk, komelî, kulturî, ziwan û ekonomî ra kewenê heta mîyanê keyeyan û vat, îqtîdar wazeno merdimê yew tîpî awan bikero û wina vat: “Seba ke ciwanî wayîrê ruhêk têkoşînî yê benê hedefê sereyîn. Ciwan ewro binê banê HDPyî de xo rêxistin kenê. Seba nê zî îqtîdarû AKP û MHPyî yê faşîst bi hêrişan ciwanan tersenê. Na çarçewa de ma vînenê ke wexto ke ciwanan destbend kenê şîdetê psîkolojî û fîzîkî înan rê kenê. Bi no hawa wazenê ke ciwanan bitersnê. Bi nê reyde zî ajantî ciwanan rê ferz kenê. Bi nê polîtîkayan wazenê ciwanan nasnameyê înan ra dûrî bifînê. Sewbîna nê hêrişan serê keyeyê ma de zî danê rayraberdiş. Seba ke ma nasnameyê kurdî keyeyanê xo ra gênê. Seba nê keyeyan zî kenê hedef.”

 

Venga pîlkerdişê kampanya

 

Helîne, dîyar kerd ke a bawerîye de yê ke bi xebatan do taxan de bi tesîr bibê û wina vat: “Ma do tenê ciwanan reyde nê, eynî wextî de keyeyan zî agahdar bikerê. Wan de zî do demêk nêzdî de xebatê ma destpê bikerê. Sewbîna demûk nêzdî de ma do bi bernameyêk seyranî bi ciwanan reyde bêrê têhet. Venga ciwanan ra aya ke bêrê ma binê kampanyaya ‘Hemverê şerê taybetî têkoşînêk bi heybet’ têkoşînê xo gird bikerê. Eynî wextî de ganî keyeyê ma zî hemverê nê polîtîkayan hayîdar bê. Ganî keyeyê ma zî ciwananê xo hayîdar bikerê.”

 

Hemverê tecrîdî têkoşinî gird bikerê

 

Helîne, tewr peyîn vat ke polîtîkayê şerê taybetî bi tecrîdê serê Rayberê PKKyî Abdullah Ocalanî ra girêdaye yo û wina qedêna: “Her ke tecrît giran beno, na polîtîka zî yena kûrkerdiş. Tecrît sûcêk merdimayî yo û ganî no caardiş serê tu kesêk de nêro rayraberdiş. Seba nê zî ma sey ciwanî hemverê tecrîdî wurzenê serê lingan û reaksîyonê xo mojnenê ra. Bi kûrkerdişê tecrîdî reyde wazenê ciwanan bidê dûrvistiş. Nê polîtîkayan serê ciwanan, keye û şarê kurdî de aver benê. Seba nê tecrîdo ke yeno rayraberdiş sûc o û ma nê sûcî qebûl nêkenê. Seba nê zî venga mi pêro ciwanan rê aya ke bêrê dorê na kampanya de bibê çeper û têkoşînê xo gird bikerê.”