MERKEZÊ XEBERAN - Silêmanîye de seba cinîyan komxebatêke bi nameyê "Averşîyayîşê jîyatbîyayîşê cinîyan û ewnîyayîşê hîra yê probleman" ame organîzekerdiş û Rêxistina Cinîyanê Azadan ê Kurdistanî zî beşdar bî.

 

Rêxistina Cinîyê Zehmetkêşan ê Kurdistanî yê Liqa Silêmaniye, Hola Zehmetkêşan ê Silêmanîye bi nameyê "averşîyayîşê jîhatîyê cinîyan û ewnîyayîşê hîra ê probleman" seba averşîyayîşê hêz û jîhatîyê cinîyan komxebatêke organîze kerd.

 

Komxebate de cinîyê endamê partî û rêxistinan û çalakîkerî wareyê cinî de mîyanê înan de Rêxistina Cinîyanê Azadan ê Kurdistanî (RJAK) ca girewt.

 

Komxebate hetê avûkate Eşwaq Necîb ra ameye rayraberdiş ke di rojî dewam kerd. Amancê komxebate perwerdekerdişê cinîyan bî ke wareyê xo de berhemdar û serkêş bê.

 

Endama Liqa Silêmaniye ya Rêxistina Zehmetkêşan Zekîye Rehîm derheqê feyde û tesîrê çalakîyan de wina vat: "Dimayê her konferansî û kombîyayîşêk, ma sey cinî hemverê xo û derûdorê xo de nîşan danê.”

 

Sewbîna Endama Liqa Silêmanîye ya Rêxistine Nermîne zî qalê rewşa bîyaye yê cinîyan kerd û wina vat: "Dimayê her komxebate û semînerêk serê problemê cinîyan, ma eşkenê bi pîya serê problemê cinîyan de kar bikerê."

 

Dimayê dewamkerdişê di rojan ê komxebate, tewr peyîn bawername ame vilakerdiş.