MERKEZÊ XEBERAN - Girewtişê awa Zêyê Şenikî ya ke hetê Îranî yeno kerdiş, tehlukeyêk gird serê awa şimitişî yê hemwelatijanê qezaya Qeladizî ser de keno. Heto bîn de zîyanêk gird resnaya raşteyê çinitişî zî. 

 

Dewleta Îranî 5 roje yo awa Zêyê Şenikî girewto û no zî raşte raşt tesîrêk gird ê negatîg serê awa şimitişî yê hemwelatijanê bajarokê Pişder û Qeladizî ser de keno. 

 

Derheqê babete de citkara cinî ya bi nameyê Şoxan Ebase ajansê ROJNEWSî rê qisey kerd û vat: “Zêdeyê 5 roje yo ke awe ameya birnayîş. Girewtişê awe vera zîyanek gird resayo heme Qeladiz û Pişderê. Wexto ke awe yena girewtiş, hewzê maseyan zî zuha beno û wareyê çinitişî de zî zîyanêk gird reseno ma. Ma venga Hukmatê Herême kenê ke seba çareserîye gamêk bierzo.”

 

Rayîrberê Projeyê Awa Xasî Muhendîs Marif Ehmedî zî derheqê girewtişê awe de vat: “Awe hetê Îranî ra ameye girewtiş û nika tu awêk Rojhelatê Kurdistanî nîna. Awa ke esta zî çirê Başurê Kurdistanî ya. Girewtişê awe seba heme herême problemêk gird o. girewtişê awe tesîrê xo serê çinitiş, ramiriş, mase, wareyê herême û xeylê hetanê bînan de keno. Ma eşkenê vajî ke nika Zêyê Şenikî verê huşkbîyayîşî de şino.”