QERS - Qezaya Têkorî de Dîlber Alinaka ke ame waştiş bêra qetilkerdiş, 9 rojî yo têkoşînê cuye dana û rewşa aye giran a.

 

Qezaya Têkorî ya Qersî de 9ê tebaxe de kerdoxê AKPyî Ekrem Aybîyo ke waşt Dîlber Alinak qetil bikero, tehlukeyê cuye aye dewam keno. Dîlbera ke 9 rojî yo beşê cigêrayîşê giran ê Nêweşxaneyê Dewlete ya Qersî de ya, serê hişê xo de ameye. Heto bîn ra doktoran dîyar kerd ke mezgê Dîlbere de odem zêde bîyo û ganî reyke bîne emelîyat biba. Sewbîna ame zanayîş ke emelîyat tehluke yo û rewşa Dîlbere hema tehluke de ya.