ŞIRNEX - Şaredarîya Cizîrî ya ke binê îdarekarîya qeyûmî de ya, verê Çemê Dîcleyî ke stargehê heywanan o, bi makîneyê kar xira kerd û zil û qamîşê qeraxî çemî de wedarit.

 

Çemê Dîcleyî ke mîyanê qezaya Cizîrî ya Şirnexî de derbas beno, ca û wareyê heywanan o. Şaredarîya Cizîrî ya ke binê îdarekarîya qeyûmî de ya, nika zî hêlîn, kozik û warê heywanan xira kerd. Şaredarî bi makîneyê karî kewte qeraxê çemî û heme qamîş û zilê qeraxê çemî wedarit. Xeylêk heywanê ke neslê înan ver bi qedênayîşî yo zî çem û qerax de ciwîyenê.

 

Tîmê şaredarî bi bahaneyê wedaritişê zil û qamîşê qeraxê çemî, makîneyê karî dayî şuxulnayîş. Balkêş bi ke kepçeyan verê Keleha Cizîrî ke wayîrê tarîxê 6 hezar serrî ya zî kolnayî. 

  

Selahîyetdarê şaredarî îdia kerdî ke emser xeylêk mêsî estê û no semed ra qeraxê çemî pak kerdê.