ÎZMÎR - Îzmîr de 13 kesî seba yadkerdişê qurbanîyê Qirkerdişê Pirsûsî de qerenfîl eştîbî behr û amebî destbendkerdiş, serbest veradîyayî. 

 

Îzmîr de rêxistinê ciwanan ê sosyalistî seba serrgêra  8ine ê Qirkerdişê Pirsûsî de qurbaniyê qirkerdişî yad bikerê, waştî ke qerenfîlan bierzê behr, polîsan mudaxileyê çalakîye kerdibî û 13 kesan destbend kerdibî. Verfeka Partîya Azadîye ya Komelî Juliana Gozen zî mîyan de 13 kesê ke emnîyet de karûbarê destbendkerdişê înan peynî bî, serbest veradîyayî.