MERKEZÊ XEBERAN - 10ine serrgêra Fermanê 3ê Tebaxa 2014ine TAJÊ Silêmaniye de bi sazgeh, partî û rêxistinê cinîyan reyde pêvînayîş kerd.

 

Seba serrgêra Fermanê 74ine, Tevgerê Azadîya Cinîyê Êzidî (TAJÊ) Silêmaniye de bi Yewîya Cinî, Partîya Goran, Rêxistina Mîtra ya Kakayîyan, Kongra Star û hîn pêameyê hereme sey; kurdê filî, mesîhî û zerdeştî reyde pêvîanyîş kerdî.

 

Babetê sereyîn ê pêvînayîşî de ame munaqeşekerdiş, rewşa cinîyanê êzidîyan, rewşa êsîrê ke destê çeteyê DAIŞî, seba dinya de qebûlkerdişê Jenosîdê serê komelê êzidî û tewr peyîn zî seba muhakemekerdişê çeteyê DAIŞî bî.

 

Pêro pêvînayîşan de zî cinîyê Partîya Goran, Rêxisina Mîtra ya Kakayîyan, Kurdên Filî, Mesîhî, Zerdeştî, Kongra Stare derheqê yewîya cinîyan de dîyar kerdî ke ganî sere de cinî temamê dinya de wayîrê komelê êzidî bivejîyê. Sewbîna cinîyan dîyar kerd ê dejê cinî û komelê êzidî seke dejê xo vînenê û fermanê 74ine ke serê şarê Şengalî ame kerdiş, o zî sey fermanêk serê xo de zî vînenê û ê wazenê hemverê komelê êzidî û bi taybetî cinîyê êzidî bi wezîfeyê xo wurzê û seba ameyoxî xebatê tewr bihêz organîze bikerê.

 

Dewamê pêvînayîşan de cinîyan seba ke Jenosît Iraq û pêroyî dinya de bêro naskerdiş wina vat: "Tesdîqkerdişê jenosîdê serê Şengalî yê hemverê komelê êzidî babetêke wijdanî, exlaqî û merdimayî yo seba nê sere de temamê pêro cinîyê herême û dinya ganî her kes wayîrê komelê êzidî bivejîyo û ganî seba muhakemekerdişê çeteyê DAIŞî her kes wayîrê helwestî bo."