STENBOL - Roniştişê dewaya Weqfê Hîranûrî ke awankerdoxê ci Yusuh Zîya Gumuşsel tuta xo ya 6 serrî H.K.G. zewicnabî û bibi sebeb ke tecawuz aye rê bêro kerdiş de qerar nêame dayîş û roniştiş ame taloqkerdiş.

 

5ine roniştişê dewaya ke derheqê Yusuf Ziya Gumuşel ke yew awankerdoxê Weqfê Hiranurî yê girêdayeyê Cemaetê Îsmaîlaga ke tuta xo ya 6 serrî H.K.G. bi Kadîr Îsteklîyo 29 serrî reyde zewicnabi ame akerdiş, 2yîn Dadgeha Cezaya Girane ya Anadolu ame vînayîş.

 

Roniştiş taloqê 9ê teşrîna verêne ame kerdiş!

 

Roniştişo ke pawe bi netîce bibo, seba avûkatê kerdoxan hemverê helwestê dadgehe dewa ra xo ant, taloqê 9ê teşrîna verêne ame kerdiş.

 

Se bibi?

 

H.K.G.ya kênaya awankerdoxê Weqfê Hîranurî Yusuf Ziya Gumuşel, 6 serrîya xo de wextê bi endamê tarîqetî yê 29 serre Kadîr Îsteklî reyde amebî zewicnayîş û tecawizê aye amebi kerdiş. Serdozgerîya Komare ya Anadoluyî derheqê gerreyê H.K.Gye da tehqîqat da destpêkerdiş. Îdianame ame amadekerdiş û seba Kadîr Îsteklî 67 serrî û 10 aşmî û 15 rojî, pî Yusuf Ziya Gumuşel û dayîka aye Fatima Gumuşel zî 22 serrî û 6 aşmî cezaya zîndanî ameye waştiş.