STENBOL - Bi amancê tecrîdo giran yê Rayberê PKKyî Abdullah Ocalan ser p peynî bibo û pêvînayîşî virazyê, Nobeta Edeletî ameye destpêkerdiş, bidor dewam kena. Parlamentera HDPyî ya Êlihî Feleknas Uca derheqê babete de qisey kerd û da zanayîş ke lazimîyê komelî bi fikrê ocalanî esto û mifteyê çareserî Îmrali yo.

 

Tecrîdê serê Rayberê PKKyî Abdullah Ocalanî her ke şino giran beno û di serrî yo Rayberê PKKyî Abdullah Ocalan, tepişteyê bînî yê eynî zîndanî Omer Hayrî Konar, Veysî Aktaş û Hamîlî Yidirimî ra xebere nîna girewtiş. Tewr peyîn 25ê Adara 2021ine de keyeyê ci pêvînayîşêk telefonî yê kilmî pê ard. 25ê Adare ra heta nika tu cewabêk pozîtîf seba muracatê avûkatanê Buroyê Huqûqî nêame dayîş. Ame zanayîş ke 4ê Çeley, de cezaya qedexeyê pêvînayîşî yê neweyî ameya dayîş. Avûkatan  10ê Çeleyî de muracat kerdî la eyn, roje de reyna ame redkerdiş. Avûkatan dîyar kerdî ke do muracatê Dadgeha Desturê Bingehînî bidê.

 

Seba Rayberê PKKyî çalakîya Nobeta Edeletî hemverê polîtîkaya tecrîdî de avûkatan, dayîk, rêxistinê komelê sivîlî û sîyasetmedaran çalakî û bername pê ard û 28ê Kanûna 2022ine de parlamenterê Partîya Demokratîke ya Şaran, bi amancê pêvînayîşê avûkatan bi Abdullah Ocalan reyde pê bêro, verê Wezaretê Edaletî de dest bi Nobeta Edeletî kerdî. Nobeta parlamenteran 20 rojî pey xo de verda û pêwa pêro astengîyan dewam kena.

 

Parlamentera HDPyî ya Êlihî Feleknas Uca derheqê nobete de ercnayîş kerd.

 

‘CPT û Konseyê Ewropa tecrîdî ra berpirsîyarê'

 

Feleknase da zanayîş ke tecrîd serê Abdullah Ocalanî de pê yeno, serê şarê kurdî de zî pê yeno û da zanayîş ke îqtîdar, bi polîtîkaya tecrîdî sîyasetê şerî giran keno. Feleknase wina vat: "Birêz Ocalanî pêvînayîşan de vatibi 'dewlete biwaza ez hewteyêk de problemê kurdî çareser kena.' La dewlete hemverê nê de sîyasetê şerî dewam kerd. Tecrîd sey netîceyê komployê mîyanneteweyî serê şarê kurdî de pê yeno. Tecrîd ra tena Tirkîya nê, CPT û Konseyê Ewropa zî berpirsîyar o."

 

Îmrali de se beno?

 

Feleknase vat ke Komîteya ‘heqê umudî’ nêkenê rojeva xo Rayberê PKKyî no heqî ra bêpar yeno verdayîş û dewam kerd: “22 aşmî yo ke xeber nîna girewtiş. Acaba Îmrali de se beno? Dewlete çi nimnena? Qey avûkatî nêşinê? Na nê caardişan qebul nêkenî. Qa avukat şêrî, Birêz Ocalan reyde pêvînayîş pê bîyarî û çi esto wa vejîyo raşte.”

 

Nobete de qeradar î: Do tecrîd wedarîyo

 

Feleknase da zanayîş ke hemserekê HDP, DBP û KCDyî û parlamenterê HDPyî seba ke Abdullah Ocalan reyde pêvînayîş pê bêro xeylê reyan muracat kerdî û heta nika pêro muracatan rê ne cewabêk poîrît ne zî tegatîg nêdîyaya. Feleknase wina bale ant nobeta edaletî ser: “Abdullah Ocalan tena sena şarê Kurdî nê seba şaranê Rojhelatê Mîyanenî û Ewropaye xeylê muhîm o. Wayîrê fikranê ci vejîyenî. Ma ewro parlementerê HDPyî seba ke pêvînayîş pê bêro Nobeta Edaletî domnenî. Ma berpirsîyarîya Wezîrîya Edaletî vîr anî. Lazimîya komelî bi fikranê Birêz Ocalanî esto.”

 

‘Mifteyê çareserîye Îmrali yo’

 

Feleknase ard ziwan ke yewine çimeyê çareserîya probleman Rayberê PKKyî yo û wina qiseykerdişê xo qedênaye: “Ewropa de kampanyaya ‘Seba Ocalanî wextê Azadîye yo’ ame dest pêkerdiş. Seba ke PKK lîsteya terorî ra bêra vetiş Ewropa de hewldayîş estbî la sîyasetmedaranê ma ameyî qetilkerdiş. Hêrişê Tirkîya yê hemverê Efîrîn dewam kenî. No pêro girêdayeyê tecrîdî yî. Ganî her kes hemverê tecrîdî de wirzo payan ser. Mifteyê çareserîye Îmrali yo.”