STENBOL - Roniştişê ke edîtora ma Nişmîye Guler seba parekerdişê xo yê serê medyaya dijîtale de ameyîne muhakemekerdiş, qerarê beraetî ame dayîş.

 

Roniştişê dewaya ke edîtora ma Nişmîye Gulere seba parekerdişê xo yê serê medyaya dijîtale ameyîne muhakemekerdiş, 27ine Dadgeha Cezaya Giran ya Çaglayanê Stenbolî de ame vînayîş. Roniştişê Nişmîye û avûkatê xo Sercan Korkmaz û Ozcan Kiliç amade bî. Pêwa endamê Platformê Rojnamegerê Cinîyan ê Mezopotamyayî (MKGP), Komeleya Rojnamegeran ê Dîcle Firatî (DFG), Sendîkaya Rojnamegeran ê Tirkîya (TGS) xeylêk sazgehan paştdayîş da Nişmîye.

 

Roniştiş bi tespîtkerdişê nasnameyan ame destpêkerdiş û pawitişê Nişmîye dewam kerd. Nişmîye dîyar kerd ke aye JINNEWS de şuxulêna û rojnamegerê ke serê medyaya dijîtale de yê arda vîr, bîyê sebebê muhakemekerdişê aye.

 

Avûkatê Nişmîye Sercan Korkmaz zî vat, “Muwekîla mi rojnameger a û serê nê lîsansê xo kerda, cipersayîşê 'endamîya rêxistine' de qerarê nêtaqîbkerdişî yeno dayîş la seba sucê 'propagandayî' muhakemekerdişê aye dewam keno. Ma beraetê muwekîlê xo wazenê."

 

Avûkat Ozcan kiliç zî vat, o zî tewrê pawitişê meslegdarê xo beno. La serekê dadgehe hema zî nîjadperestîyê xo dewam keno.

 

Dima ra heyetê dadgehe seba ke qerarê xo dîyar bikero, mabêne da roniştişî.

 

Ameye beraetkerdiş

 

Heyetê dadgehe ke qerarê xo eşkera kerd, derheqê Nişmîye de qerarê beraetî da.

 

Dimayê roniştişî meslegdarê Nişmîye, paştdayîş dayî.