STENBOL - Xebatkara raşteyê komelkî ya sîvîle Makbule Altintaşa ke dewaya GOÇÎZDERî ra 7 aşman tepişte mende û 5ê Çeleyî de ameye tehlîyekerdiş dîyar kerd ke tena cuya xo ser de ameyî sucdarkerdiş, no zî veng vejîya û vat: “Ma wayîrê kare xo yî. Ma vera neheqîye de yî. Ma do têkoşînê xo dewam bikerî.”

 

Serdozgerîya Komare ya Stenbolî 3ê Hezîrana 2022î de hemverê Komeleya Taqîpkerdişê Koçberan (GOÇÎZDER) de operasyonêk da dest pêkerdiş û 22 endamê komeleye ameyî destbendkerdiş. 8 roje badê destbendkerdişî 11ê hezîrane de 16 kesî xebatanê xo yê komeleye vera ameyî tepiştiş. Derheqê 23 endamanê komeleye de bi îdîayê ‘endamtîya rêxistine’ îdîaname ame amadekerdiş û yewine roniştişê dewaya 23 kesê ke ci ra 16 kesî tepiştebî 13ê Kanûne de ame dîyîş. 4 kesî roniştişê 15ê Kanûne de ameyî tehlîyekerdiş. 4 û 5ê Çeleyî de zî roniştişê diyîne ame dîyîş û heme kesê tepişteyî ameyî tehlîyekerdiş. Înan ra yew zî Makbule Altintaşe bî. 

 

Makbule Altintaşe derheqê prosesi de ajansê ma rê qisey kerd.

 

Sereştişê keyeyî de îşkence kerdî

 

Makbuleye vat aye sereştişê keyeyî de ameya tepiştiş û îşkenceyo psikolojik bi aye ameyo kerdiş û wina dwam kerd: “Serê sibayî saet 5an de pê çekan eştî keyeyê mi ser. Senî ke mi ber akerd mi ser de ameyî. Hema zî travmaya ci cuyena. Dosya dosyayêk veng bî. Dozgerî eşkayêne seba îfadedayîşî veng bido. La bi hawayêk bêhuqûqî ma tepişti. Prosesêk eletewş ame cuyayîş.”

 

‘Sûc ameyî awankerdiş’

 

Makbuleye dîyar kerd ke 8 rojan nêeşkayî bi avûkatan reyde pêvînayîş bikerê û vat: “Prosesê destbendkerdişî 4 rojê bînî derg kerdî. Ma bêavûkat verdayî û wina vetî  dadgerî. Dimayê 8 rojan dima ma avûkatanê xo dî. Aseyîne ke serê waştişê hînan dosya ameye amadekerdiş. 8 rojan de hemverê sucî awan kerdî. Yew babeta sucdarkerdişî dokumanê hesab û aiseykerdişê telefonan bi. Ez pêvînayîşêk mesengerî de qalê kampa Şengalî kena. Bi embaza xo reyde qalê dramê keyeyî kena. Nê suc kerdî. Dosyayêke veng a.”

 

‘Bêguman ez o kuçeyan de bî’

 

Makbule dîyar kerd ke cinî nê welatî de tehluke yenê vînayîş û vat: “Her çî ma îlegalîze kenê. Çalakîyê ke ma tewr bibî babeta dosyaye. Çalakîyê ma virazyayê zî derheqê Peymana Stenbolî bî. Ma bi serran o têkoşîn kenê. Bêşik ez o uca de bî. Ez o xeta têkoşînê hemverê şîdetî cinî de bî. Demo ke cinî bêrê kiştiş ez o keye de roşî. Çarçewaya dosya de waştî mesaj bidê muxalefetê demokratîk û komelê sivîl. Sewbîna parekerdişê mexduriyetê koçberan zî sûc yeno vînayîş. La pêro sucê ke bixo awan kerdî veng vejîyayî. Çîyêk suc teşkîl bikero çin o.”