WAN - Rojnameger Azîz Orûço ke Wezîrê Karê Zereyî Suleyman Soylû ey hedef nîşan dabi, dewaya ke ameyîne muhakemekerdiş beraet kerd. Hemsereka DFGyî Dîcle Muftuoglû û 4 kesêbînî eynî dewa de ameyîne muhakemekerdiş, her yewî rê 6 aşmî ceza ameye birnayîş.

 

Rojnameger Azîz Orûç 11ê kanûna 2019ine de qezaya Bazîdî ya Agiriyî de amebi tepiştiş û dima ra amebi tehlîyekerdiş. Pêwa Azîz, Hemsereka Komeleya Rojnamegeran ê Dîcle Firatî (DFG) Dîcle Mufutoglû, Muhammet Îkram Muftuoglû û Hemserekê HDPyî yê Bazîdî yê verê Abdullah Ekelek zî mîyan de bi pêroyî 6 kesî ameyîne muhakemekerdiş. Roniştişê qerarî yê dewaya 2yîn Dadgeha Cezaya Giran ya Agiriyî ame kerdiş. Azîzo ke dewayêk bîn ra tepişte yo Zîndanê Amedî yê Asayîşê Berzî bi SEGBÎSî û Dîcle zî Dadgeha Amedî bi SEGBÎSî tewrê roniştişî bi.

 

Avûkatê dewa zîî roniştişî de amade bî. Dîcle û Azîz waştî ke bêrê beraetkerdiş.

 

Dimayê pawitişê heyetê dadgehe qerarê xo yê eşkera kerd û derheqê Azîz de sûcê “endamîya rêxistine” qerarê beraetî û sûcê “propaganda rêxistine” seba tekrar bîyo red kerd. Dadgehe Dîcle Muftoglû, Muhammed Îkram Muftoglû, Abdullah Ekelek, Turgay Îlboga û Yucel Îlhan bi îdiayê “paştdayîşê sûcdarî” her yewî rê 6 aşmî cezaya zîndanî da.

 

Dadgehe qerar da hukmê cezaya birnaya, dima ra bêra eşkerakerdiş.

 

Wezîrê Karê Zereyî Suleyman Soylû, demê Azîz Orûç Bazîd de amebi destbendkerdiş, hedef mojna bi û sey “terorîst” eşkera kerdibi.