SEMSÛR - Keso bi nameyê Servet Aslan ke tuta 4 serrîya bi nameyê H.O.ya Kobanije remnabî, ame destbendkerdiş.

 

Vizêr saete nîmroj de demo tuta bi nameyê H.O. ya 4 serrî ke Kobanij a Taxa Hayrettîn Paşa ya Semsûrî de verê keyeyê xo de kay kerdêne, hetê kesê bi nameyê Servet Aslan ra ameye remnayîş. Serveto ke ame destbendkerdiş, ame zanayîş ke faîl Semsûr de boyaxtî keno û newe zîndan ra vejîyayo. Keyeyê H.O. seba tuta xo bigîro şî qerekole.

 

Keye, 8 serrî verê Kobanê ra koçê Semsûrî bîyo. Keye, dîmenê remnayîşê tuta xo serê medyaya dîjîtale pare kerd û muracatê polîsan kerd. Dîmenê kamerayan de aseno ke Servet derûdorê 35-40 serrî yo, vernê de şino verê tute û qisey keno. Dima ra zî destê xo tute rê derg keno û aye remneno.