RIHA - Keyeyê Şenyaşarî ke Nobeta Edaletî roja 679ine de dewam keno û vat: “Weşî û hêzê dewletan bi edaletî yeno pêmitiş.”

 

Qezaya Pirsûsî ya Rihayî de 14ê Hezîrana 2018ine de vernîya weçînayîşê pêroyî yê, merdim û pawitoxê parlamenterê AKPyî Îbrahîm Halîl Yildiz hêrişê ferdê keyeyê  Şenyaşarî kerdibî û Haci Esvet Şenyaşar û lajê xo Fadil û Adil Şenyaşar hêrişî de amebî qetilkerdiş. Emîne Şenyaşar û lajê xo Ferît Şenyaşarî 9ê Adara 2021ine verê Edliyeyê Rihayî de waştişê edaletî kenê ke dewa de bica bêro. Seba ke keye semedê bernameyêk televîzyonî şîbî Stenbolî, ewro nêameyî verê Edliyeyê Rihayî. 

 

Keyeyî serê hesabê xo yê Twitterî de derheqê nobeta xo de wina vat: “Weşî û hêzê dewletan bi edaletî yeno pêmitiş. Rengê hêsirê çimanê dayîkan nîyo. Dayê hukmî ra edalet wazena. Wa êdî no zulm peynî bibo.”