Şehrîban Aslan

 

RIHA - Endama Komîsyonê Huqûqî yê HDPyî avûkate Sevda Çelîk Ozbîngole qerarê blokekerdişê hetkarîya xezîneyî ya partîya xo ercnaye û wina vat: “Ma pratîko ke amac bêverngkerdiş û gecilnayîşê sîyasetê demokratîke bo reyde rî bi rî yî.”  

 

Mehkemeya Qanûnê Bingeyî hetkarîya xezîne ya seba Partîya Demokratîke ya Şaran (HDP) bloke kerdbî. Serdozgerê Komare yê Mehkemeya Berze Bekîr Şahînî îdîayê dewaya qefilnayîşê vera HDPyî sey sebebî mojnabî û waştbî ke qerarê blokekerdişî yê hesabanê bankayan yê hetkarîya xezîneyî seba HDPyî bêro dayîş. Mehkemaya Desturê Bingeyîn (DDB) seba ke bahane nêameybî pêşkêşkerdiş, waştiş red kerd. Serdozger Bekîr Şahînî newe ra 19ê Kanûne de waştişê blokekerdişî kerd. DDB 6ê Çeleyî de no waştiş qebul kerd û hesabo ke seba partîye estbî yê hetkarîya xezîneyî bloke kerd. Endama Komîsyonê Huqûqî yê HDPyî avûkate Sevda Çelîk Ozbîngole proses ercnaye.

 

‘Qerar netîceyî tedayan sîyasîyan de ame cuyayîş’

 

Sevdaye dîyar kerd ke vatişê derheqê girewtişê partî û polîtîkayê ke peynî de ameyî rayraberdiş dest pêkerdişê prosesê huqûqî ra heta nika dewam kenî û no proses bi zextanê sîyasîyan pê û wina dewam kerd: “Pêroyê rayaumûmîye nê zextan vîneno. Kare bêusulî ge-ge seba menfîetanê sîyasî, hel ke prosesê weçînayîşî verê çiman de bêro girewtiş, qerarê sîyasî yê ke menfîetê înan rê xizmet kenî, yenê girewtiş. Ma bi pratikêk winasî reyde rî bi rî yî. Ma şahidîya prosesêk ke tu hetê ci yê huqûqî çinîyo kenî

 

‘Waştiş partîya ma ra neql kerdî’

 

Sevda dîyar kerd ke roja îdianame ameyo tanzîmkerdiş heta nika çapamenî de baş ameyo vînayîş û vat: “Derheqê kesê ke dinyaya xo bedelnayê de qedexeyê sîyasî ameyî waştiş. Derheqê dosyayê berat kerdişî de nêtaqîbkerdiş ameyo dayîş, kerdî babeta tepiştişî. Îdianameyêk ke xeylêk hetê ci kêmî yê û hetê ci yê huqûqî çinbî, amebi teslîmkerdiş. La dima ra ma vînenê ke tedayê sîyasî zêde bîyê. 21ê hezîrana 2021ine de îdianameya derheqê  partiya me de hetê DDByî ra ame qebûlkerdiş. O wext zî serdozgerîya Komare ya Dadgerîye waştibi ke hetkarîya xezîneyî seba partîya ma bêro birnayîş. La DDByî nê qerarî di rey red kerd. Pêwa prosesî tu vurnayîşî çinbî dosyaya de belge nêameyo zêdekerdiş zî 3ê Çele de serdozgerîya komare ya dadgerîye waştiş kerd, hetkarî bêro kerdiş. Ganî no qerar vernê de ma rê biameyîne neqlkerdiş. La ma rê neql nêkerdî.”

 

‘Ma do îtîrazê xo bikerê’

 

Sevda dewam de wina vat: “Sey huqûnasêke prosesî bi xemgînî temaşe kena. DDB ewîyeya tewr corî mekanîzmayê hukmî yê welatê ma de ca gêno. Sazgehêk hetê huqûqî de ganî bawerî û îtîbarê pê bibo. Paweya ma înan ra no yo ke huqûq bi ca bêro. Ma do îtîrazê xo bikerê. Ez wazena nê vajî. Partîya ma na partîya yewin ê bi tehlukeyê padayîşî reyde ameyo rî bi rî yo. Hetkarîya xezîneyî îqtîdar bi xêrê xo nêdano. Ez heqê 6 mîlyon weçînitoxî yo.Tu îqtîdarêk sîyasî nêeşkeno seba berjewendîyê xo helwestî nîşan bido. Wayîrê nê heqî yo. La ma vanê ke nêzdbîyayîşê wina têkoşînê peyser nêerzeno, hîn tewr pîl kenê. Rojê weşî nêzdî yê.”