RIHA - Keyeyê Şenyaşarî roja 678ine ê çalakîya Nobeta Edaletî de wina vat: “Ma edaleto ke ameyo vindartiş pîya bîyarê. Seba edaletî ma do 17ê çeleyî de Meletî de bê.” 

 

Merdim û pawitoxê Parlamenterê AKPyî Îbrahîm Halîl Yildiz 14ê hezîrana serra 2018ine de hêrişê dikanê keyeyê Şenyaşarî yê Pirsûsî yê Rihayî kerd. Netîceyê hêrişî de mêrde û 2 lajê dayîka Emîne Şenyaşare ameyî qetilkerdiş. Emîne Şenyaşar û lajê ci Ferît Şenyaşar ke qirkerdiş ra bi birîndarî xelisyabî, 9ê Adara 2021ine de vernîya Edliyeyê Rihayî de dest bi Nobeta Edaletî kerdî. Seba ke ewro edliye padaye ya, keyeyî banê xo yê Pirsûsî de roja 678ine de çalakiya xo dewam kerd.

 

Keyeyî serê hesabê xo yê medyaya dîjîtale de nê mesajî pare kerd: “Heme kesî bêedaletî ke bi çar serrî yo ma rê yeno kerdiş, taqîb kenê. Her kesê ke tu menfaetê înan bi îktîdarê sîyasî reyde çin o, wayîrê dewaya ma vejîya. Dewaya ma EDALET a. Ma do edaleto ke ameyo vindarnayîş, pîya bîyarê. Seba edaletî ma do 17ê çeledî de Meletî de bê.”