MERKEZÊ XEBERAN - Kaybaze Hazal Kaya seba ke paştî daye Ezgî Molaya ke reaksîyon mojnabî çawişo pispor Musa Orhanî ke tecawuzê Îrek Ere kerdbî û bîbî sebebê xokiştişê aye, îfade daye. 

 

Çawişê pispor Musa Orhan serra 2020î de qezaya Qubînî ya Êlihî de tecawuzê Îpek Ere kerdbî û bîbî sebeb ke Îpeke xo bikişa. Na rewşe ra dima rayaumûmîye de reaksîyon ameyî mojnayîş û înan ra yew zî kaybaza cinî Ezgî Molaye bî. Ezgîye seba ke reaksîyon mojnabî avûkatê pisporî derheqê Ezgî de dewa akerdbî. Dima kaybaze Hazal Kayaye zî seba ke paştî daye Ezgîye derheqê aye de zî dewa ameye akerdiş.

 

Hazal Kayaye çarçeweya dewaya ke ameye akerdiş de asayîş de îfade daye.

 

Hazale derheqê babete de serê hesabê xo yê medyaya komelkî de wina vat: “Musa Orhan zî derheqê mi de dewaya îftîrayî akerdo. Ez wina fikirîyena ke xo rê modelêk winasî yê çimeyê pereyi dîyo.”