STENBOL - Tîfaqa Ked û Azadîye bi şîarê ‘Ma do pîya bibedelîyî’ 15ê Çeleyî de Raşteyê Kartalî yê Stenbolî de bi sloganê ‘Ma vernîya feqîrî, şer û zextan bigîrê’ mîtîngê xo yê yewine yê ortax do pê bîyara. Do hemserek, serek û verfekê pêkhateyê tîfaqî tewrê mîtîngî bibê. Sîyasetmedaran vengê tewrbîyayîşê mîtîngî kerdî û sewbîna serê têkoşînê yewbîyayeyî de vindertî.

 

Tîfaqa Ked û Azadîye ke Partîya Demokratîke ya Şaran (HDP), Partîya Karkeran ya Tirkîya (TÎP), Partîya Kede (EMEP), Partîya Azadîya Komelî (TOP), Partîya Tevgerê Kedkaran (EHP) û Federasyonê Meclîsê Sosyalîstî (SMF) rap ê yena do 15ê Çeleyî de Raşteyê Kartalî yê Stenbolî de bi sloganê ‘Ma vernîya feqîrî, şer û zextan bigêrî’ mîtîngê xo yê yewine yê ortax do pê bîyara. Do hemserek, serek û verfekê pêkhateyê tîfaqî tewrê mîtîngî bibî. Sîyasetmedaran vengê tewrbîyayîşê mîtîngî kerdî û sewbîna serê têkoşînê yewbîyayeyî de vindertî. Mîtîng do saet 13.00î de dest pêbikero.

 

Raşte bi raşte gêrayî

 

Mîtîng ra ver temsîlkarê tîfaqî û karkeran ra heta cinîyan pêro xebatêk kolektîf rayra berdî û kuçe bi kuçe vilawekan vila kerdî. Sîyasetmedaran mîtîngî ra ver ajansê ma rê qisey kerdî.

 

Îqtîdarî û şer…

Endama Heyetê Rayberdişê Merkezî (MYK) ya HDPyî Elîf Bulute dîyar kerd ke butçeya şerî vera şar feqîr beno û wina vat: “Îqtîdar her raya ke keweno tenganî muracat şerî keno û nîjadperestîyî berz keno û beka xo paweno. Feqîrîya şerî awan keno û tewr zêde cinî û tutî tesîr benê. Tîfaqa Ked û Azadîye seba ke bale bianca şer û feqîrî ser mîtîng pê ana. Seba çareserîya probeman do seba şarî heqê vatişî bêro dayîş. Îqtîdar seke her kes mecburê înan bo nizdî beno. Tîfaqê Mîlletî zî wina keno. La ma HDP rayîrê ma yê hirîne esto. Tîfaq hêzê çareserîye yê gird o.”

 

Tîfaq raşte de xo rêxistin keno

 

Elîfe peynîya qiseykerdişê xo de da zanayîş ke 2023î de têkoşînê xo do gird bikerî û vengê tewrbîyayîşê mîtîngî kerd da her kesî û vat: “Ma tîfaqêk ke têkoşînê xo raşteyan de gird keno ra yî. Her roje cinîyî yenê qetilkerdiş. Cinî bê pawitiş yenê verdayîş. Tutî yenê tacîzkerdiş. La zîhnîyetê serdest serê nê çîyan gêno. Ma hemverê nê çîyan de têkoşîn nêkerê ma nêeşkenê bicuyî. Ma nê semedî ra heme cinîyan û hetanê demokratan dawetê mîtîngê 15ê Çeleyî yê Raşteyê Kartalî kenê.”

 

Tecrîd, şer û feqîrî

 

Verfeka Meclîsê Cinîyan yê HDPyî Gulşen Karasuye zî qiseykerdişê xo de ard ziwan ke sere de Rayberê PKKyî Abdullah Ocalan heme komel binê tecrîdî de yo û wina dewam kerd: “Tecrîd, şer û feqîrî pêro girêdayeyê yewbînan ê. Şer seba heme merdimayî babetêk muhîm o. La bi taybetî seba cinî û ciwanan. Polîtîkaya şerî dewam kena û feqîrî her ke şina giran bena. Bêşik tewr zêde cinî tesîr benê. Vera heme zext û hêrişan ma fek têkoşînê xo ra vera nêdanê. Ma do bi hawayêk xurt tewrê mîtîngî bibê. Ma do vengê xo hetê aştî û demokrasî de berz bikerê. Ma hemverê feqîrî û şerî de her kesî pawenê Raşteyê Kartalî. Xeylê vatişê ma yê ke bêrî vatiş estê.”