MERKEZÊ XEBERAN - Konferans de têkoşînê vera şîdetê dîjîtalî ser o nîqaşî ameyî kerdene, bire dîyaye ke seba hişmendî, averberdişê xebatanê kulturelan û perwerdekerdişê cinîyan merkezêk bêro awankerdene.

 

Şehba de bi şîarê ''Têkoşînê Sakîne û Evîne ra heta Jîna, Zeynebe û Nagîhane jin, jiyan, azadî'' Konferansê Zanistî yê Merkezê Cigêrayîşanê Jineolojî ame kerdene. 200 delegeyî tewrê konferansî bîyî.

 

Destpêkê konferansî de qiseykerdişê Endama Merkezê Cigêrayîşê Jineolojî Nagîhane Akarsela ke amebî qetilkerdene ameyî goşdarîkerdene. Dima Nûjiyane Hisên perspektîfê Rayberê PKKyî Abdullah Ocalanî wendî.

 

Konferans de derheqê têkoşînê Sakîne, Fîdane û Leyla de sînevîzyon ame mojnayene. Nîqaşan ra dima derheqê çareserîya meseleyanê cinîyan, şîdetî de xebatê kargehî ameyî kerdene. Kargehan de derheqê şîdetê vera tutan, geşkerdişê ekonomîya cinîyan, şîdetê dîjîtalî, yewîya cinîyan û xurtkerdişê dostanîya cinîyan de xebatî ameyî kerdene.

 

Dima bire dîyaye ke seba têkoşînê vera şîdetê dîjîtalî kampanyaya neteweyîye wa bêra kerdene, kitabxaneyî wa bêrê akerdene, warê şîdetê dîjîtalî de cinîyî wa bêrê perwerdekerdene û seba nê armancan zî verî merkezêk bêro awankerdene.

 

Konferans bi deyîranê Koma Şehîde Heva ya Kevana Zêrîne û sloganana qedîya.