ANQARA - Wekîlanê HDPyî Nobeta Edaletî ya vera tecrîdê Îmraliyî de veng da ke seba şiknayîşê tecrîdî û polîtîkayanê şerî wa paştdayîş bêro geşkerdene.

 

Wekîlê HDPyî 13 rojî yo vera tecrîdê serê Rayberê PKKyî Abdullah Ocalanî Nobeta Edaletî kenê. Ewro Wekîlî Kemal Bûlbûl, Serpîle Kemalbay Pekgoze, Huseyîn Kaçmaz, Erdal Aydemîr, Mûrat Çepnî, Kemal Pekoz, Celadet Gaydalî û Nurane Îmîr tewrê nobete bîyî.

 

Serpîle Kemalbay nameyê wekîlan ser o eşkerayîye wende. Kemalbaye îfade ker dke seba ke tecrîd biqedo ê uca de yê. Kemalbaye şehîdê Qirkerdişê 9ê Çeleyê 2013î Sakîne Cansiz, Fîdan Dogan û Leyla Şaylemez û şehîdê 5ê çeleyî Sêvê Demîr, Pakîze Nayir û Fatma Uyar zî yad kerdî.

 

Sloganê ‘Jin jîyan azadî’

 

Serpîle Kemalbay nobete de qisey kerd û bale ant serê têkoşînê cinîyan û vat: ''Hem dinya de hem zî Kurdîstan de cinîyî benê parçeyêkê vurîyayîşî. Têkoşînê 'Jin, Jiyan, Azadî' Îranî ra vilayê dinya bîyo. No zî eşkera keno ke têkoşînê cinîyan beno global.

 

Serpîle veng da ke seba şiknayîşê tecrîdî û polîtîkayanê şerî wa paştdayîş bêro geşkerdene: ''Seba ke bingeyê pêro polîtîkayan de polîtîkayê şer û kolonyalîzmî est ê ma tîya de yê. Sîstemo kapîtalîst û emperyal wazeno waştişanê têdûştî, azadî, demokrasî û haştîye yê şeran bêveng û tecrîd bikero. 2013 de hîrê cinîyê kurdî seba ke haştîye waştêne ameyî qirkerdene. Seba ke tecrîdê Îmraliyî biqedo, Birêz Ocalan de muzakereyî dest pêbikerê ma do têkoşînê xo rê dewam bikerê. Nê prosesê paştdayîşî de têkoşînê cinîyan rayîrê ma roşnî keno. Wa tecrîd û polîtîkayê şerî biqedê û haştîye bêra.”