MERKEZÊ XEBERAN - Muxabîra Ajansê NûJINHAye Suham Akmane serra diyîne ya awankerdişê NûJINHAye ke vengê cinîyan yê Kurdistan û dinyaya bi taybetî zî yê cinîyanê Rojhelatê Mîyanenî ya ercnaye û vat: “Ma nuşte ke hewnê xo pê bîyarî. Maa nusenê û zêde benî.”

 

NûJINHA ke 6ê çeleyê 2021î de bi sloganê “NûJINHA, vengê cinîyan vizêr ra heta siba…” dest bi weşana xo kerd, bi taybetî Rojhelatê Mîyanenî de vengê cinîyan resnena dinya. NûJINHAye bi dewamkerdişê roşnkerdişî yê xoverdayîşê cinîyan ke her raşteyê cuye de têkoşîn danî, bi xeber û rêzenuşteyanê xo yê hemverê qalib û ziwanê cînsîyetperestî bi wendoxanê xo reyde yena têkişt. NûJINHAya ke roja awankerdişê xo ra nata tena Rojhelatê Mîyanenî de nê cayanê bînan yê dinyaye de zî bîya vengê cinîyan. Bi Erebî, Farisî, Kurdî, Tirkî û Îngîlîzî weşan kena.

 

Muxabîranê ajanso ke bi serkêşîya Weqfê Kulturê Çapemenîya Cinîye ya ke Swêdî de ameya awankerdiş ra Suham Akmane derheqê amacê awankerdişê NûJINHAye de qisey kerd.

 

‘Ma çareserîya hempare ya cinîyan nusenî’

 

Suhame da zanayîş ke sey cinî tarîxe ra heta ewro xeyal û umudê tepişte vejîyayî raşte û wina vat: “Ma bi yewbînangirewtişî rayîro zehmetin ke ewro dest pêkerdo de aver şinê. No rayîro ke ma ci rê vanê ‘zehmet’ bi hawayêk paralel bi têkoşîn û xoverdayîşî gird bîyo. Ma xo rê persa acaba ma do bieşkî ser bikewî. La ma ser kewtî. La her çedn ke ma bêrî pelçiqnayîş û binpaykerdiş zî seba ma hewnêk gird bî ke ma hewl danî ke vengê cinîyanê Rojhelatê Mîyanenî çarçeweyêk de biresî yewbînan, seba nê çîyî bixebetî û zemînêk ci rê virazî. Herinda ke ma hewnanê xo bierzî asmenî, ma nuşte ke înan pê bîyarî û ma ewro bi nuştişî zêde benî. Ma derheqê derdanê xo, ge-ge xemanê xo, ge-ge zî hêrsê xo, la biz af rayan m abi çarenuştişê cinîyan yê hemparî nusenî. Ma bi ziwanê tirkî, erebî, îngîlîzî û farisî, vîşêrê soranî û kurmancî di zarawayanê kurdî yê ke hesas yenê qiseykerdiş de weşana xo kenî. La ma cinîyê ke welato ke no ziwan tede yeno qiseykerdiş de pêvînayîş pê anî. Cinîyê ke cografyaya ke no ziwan tede yeno qiseykerdiş de xeberanê xo resnenê yewbînan.”

 

‘Ma eşkenê her ca de vengê xo berz bikerî’

 

Suhame bale ant muhîmîya yewbînangirewtişê cinîyan ke her çend ke parzemînanê cîyayan de bibî ser û wina vat: “Ma cinîyê ke cografyaya ke tarîx de yewine rey bi destê cinîyan awan bîya de, ma do seserrîya 21. de şad biyî. Cinî pêroyê dinya de eynî qêrayîş, dej û îşkenceyî vînenê. Hêrs, verkewtiş, xoverdayîş û huyayîş çinî yo. La lazimîya cinîyan bi yewbînan esta. Ma seba nê çîyî beno ke dalpêk deryaye de bî û hayîya ma ci ra esto. la reyna zî ma nêeşkenê her ca de vengê xo berz bikerî.”

 

'Ma vengê cinîya rêxistinkerde yî’

 

Suhame tewr peynî vat ke sey NuJINHAye do xoverdayîşê cinîyan berz bibo û vengê înan berz bikerî û wina peynî ard: “Vengê cinîyê ke şîdet vînenî êdî dêsan û sînoran derbaz kerdo. Muhîmo ke ma firsendê prosesê globalî ke ma tede cuyenî bi averşîyayîşê şorişî yê cinîyan Rojhelatê Mîyanenî rê biresnî yewbînan. Seba ke ma sey NûJINHA bibî vengê cinîyan herra Kurdistanî yê Tunis, Afganistan, Fars, Beluç, Hazare û cinîyê Siûdî yê nê herêman, bibî vengê cinîyanê Îranî û Rojhelatî ke sloganê 'Jin, jiyan, azadî' xoverdayîşî de berz kenî. Ma do bibî vengê cinîya rêxistinkerde yî.”