Zîndanê Afyonkarahîsarî yê Tîpê Tyê Hûmara 1ine 6 tepişteyî sereştişê qawîşan û hûmartişê serê lingan de 3yê çeleyî de dest bi grevê vêşanîye kerdî. Goreyê xebera Ajansê Mezopotamyayî (MA) tepişteyê grevê vêşanîye de yê; Habîl Emen, Yusuf Bîrkan, Yusuf Erkek, Mehmet Emîn Dal, Sîraç Keskîn û Cumalî Yildirim ê. Cumalî Yildirim û Harun Paçal ke mîyanê tepişteyan de yê, bi keyeyê xo reyde pêvînayîş kerdî.

  

Keyeyan dîmenê ke dimayê pêvînayîşî verê zîndanî de antî vatî: "Tutê ma zere de bi îşkenceyî reyde rî bi rî manenê. Seba ke vengê ma bêro eşnawitiş ganî pêro girse bikewo mîyanê tevgerî. Tutê ma nika tehluke de yê. Asayîşê ganê înan çin o. Komê bînî zî do dest bi grevê vêşanîye bikerê. Îdarekarîya zîndanî vernîya nika soz dabî ke do waştişê înan bi ca bîyarê labelê waştişê tepişteyan bi ca nêardo.”