STENBOL - Keye û wasîyê Rayberê PKKyî Abdullah Ocalan û merdimê tepişteyanê bînan ke Îmrali de yê semedê pêvînayîşî muracatê Serdozgerîya Komare ya Bursa û Mudirîya Zîndanî ya Îmraliyî kerd.

 

Rayberê PKKyî Abdullah Ocalan Zîndanê Tîpê Fyê bi Asayîşê Berzî yê Îmraliyî binê şert û mercê giranî yê tecrîdî de yeno tepiştiş. Keye û wasîyê Rayberê PKKyî Abdullah Ocalanî bi wesîleyê pêvînayîşî muracatî Serdozgerîya Komare ya Bursayî û Mudûrîyê Zîndanê Îmraliyî kerdî.

 

Birayê Abdullah Ocalan, Mehmet Ocalan û wasiyê ci Mazlum Dînç û keyeyê Omer Hayrî Konar, Hamîlî Yildirim û Veysî Aktaş bi waştişê pêvînayîşî muracat kerdî.

 

Birayê Rayberê PKKyî Abdullah Ocalanî, Mehmet Ocalanî tewr peyîn de 25ê adara serra 2021î de bi birayê xo reyde serê telefonî de pêvînayîş kerd. La qiseykerdiş nîme de amebi birnayîş. Eynî wextî de avûkatê Ocalanî zî tewr peyîn 7ê Tebaxa serra 2019ine de bi miwekîlê xo reyde pêvînayîş kerdibî.

 

Eynî wextî de Serekîya Heyetê Dîsiplînî 3yê sibata 2022ine de cezaya qedexeyê pêvînayîşê bi keye reyde seba 3 aşman dabî Ocalanî û no qerar 21ê sibate de qetî bibi. Seba ke pêro astengîyê bêhuqûqî yê vernîya pêvînayîşê bi keye reyde bêrê wedaritiş û pêvînayîşî virazîyê. Avûkatanê Ocalanî 28ê adare de muracatê Dadgerîya Înfazî ya Bursayî kerdî. Dimayê ke no muracat ame redkerdiş avûkatî musayî ke qerarê qedexeyê pêvînayîşî yê 3 aşman ameyo dayîş.