MERKEZÊ XEBERAN - Parlementerê HDPyî seba şermezarkerdişê tecrîdê serê  PKKyî Abdullah Ocalanî de waştibî vernîya Wezaretê Edaletî nobete bigîrê. Dimayê ke na çalakî ame qedexekerdiş çalakîya nobeta vernîya meclîsî ameye wedaritiş. Parlamenteran vatî, ganî tecrîd peynî bibo.

 

Parlamenterê HDPyî seba ke Rayberê PKKyî Abdullah Ocalan bi avûkatanê xo dir pêvînayîş bikero, vernîya avûkatanê xo dir pêvînayîş bikero, vernîya Wezaretê Edaletî de dest bi nobete kerdibî. Çalakîya nobete roja 4ine de dewam kena. Parlamenterê HDPyî Tayîp Temel, Abdullah Koç, Kemal Pekoz, Mûazez Orhan, Celadet Gaydali û Gulistan Kiliç Koçyîgît ver bi Wezaretê Edaletî de rayîr ra şîyayîş. Parlamenterî vernîya Dîkmenî yê meclîsî de hetê polîsan ra ameyî astengkerdiş.

 

Polîsan dîyar kerdî ke ‘ferman’ înan rê ameyo û ê do ‘destûr nêdê’ ke parlementerê HDPyî şêrê vernîya Wezaretê Edaletî. Polîsan rojnamegeran tehdîd kerd û înan ware ra dûr fist.

 

Hetkarê Hemserekîyê Pêroyî yê HDPyî Tayyîp Temel vat, seba ke Abdullah Ocalan bieşko bi avûkatanê xo reyde pêvînayîş bikero, înan vernîya Wezaretê Edaletî dest bi nobete kerdê û vat: “Ewro bê qerarêk nuşteyî û zemînêk qanûnî bibo, Berê Dîkmenî vernîya ma ameye birnayîş. Nêverdayî ke ma şêrê Wezaretê Edaletî. Seba protestokerdişê nê bêhuqûqî ma ewro tîya yê. Ma do eşkerayîya xo ya serê tecrîdî û rewşa krîtîkî ya Îmraliyî ewro Meclîsî bidê. Ma do nobeta xo dewam bikerê. Ganî her kes nê çî bizano.”