RIHA - Keyeyê Şenyaşarî roja 656ine nobete de venga selahîyetdaran kerd û vat: “Şima do heta key nê bêedaletî temaşe bikerê?” 

 

Nobeta Edaletî ya Emîne Şenyaşar û lajê ci Ferît Şenyaşar (Keyeyê Şenyaşar) 9ê Adara 2021 de verê Edliyeyê Rihayî dabî destpêkerdiş, dewam keno. Seba ke peynîya hewte yo û edliye padaye ya keye banê xo yê Pirsûsî de nobeta xo dewam keno. Keyeyî serê hesabê xo yê Twitterî de wina vat: “Meqam û merdimayî ca vurna yo. Hukmat û selahîyetdarê ke dewlete rayra benê, gelo şima do heta key nê bêedaletî temaşe bikerê?”