MERKEZÊ XEBERAN - Seba protestokerdişê qetlîamê Parîsî de şar vernîya Merkezê Kulturê Kurdî de kom bî û dest bi rayîr ra şîyayîşî kerdî.

 

Vizêr Merkezê Kulturê Kurdî yê Ahmet Kaya de paytextê Fransayî Parîs de hêrişêk çekdarî pê ame. Hêrişî de rayberîya tevgerê cinîyanê kurdan Emîne Kara (Evîn Goyî), hunermend Mîr Perwer (Mehmet Şîrîn Aydin) û welatperwerê kurd Abdurrahman Kizil ameyî qetilkerdiş û 3 welatîjî zî birîndar bî. 

 

Bi des hezaran kurdî û dostê xo bi amancê protestokerdişê qetlîamî û vîrardişê her hîrê qurbanîyan rayîr ra şîyayîş organîze kenê. Rayîr ra şîyayîş verê Merkezê Kulturê Kurdî yê Ahmet Kaya dest pêkerd û bi des hezaran kesî sloganê sey “Biji Serok Apo", “Jin jiyan azadî”, "Şehîd namirin”, "Ey şehîd xwîna te li erdê namîne” berz kerdî. Rayîr ra şîyayîş heta Meydanê République do dewam bikero. Kurd û dostê xo hêrsê xo anê ziwan û wazenê  qetlîam bêro roşnkerdiş.