ANQARA - Endama Meclîsê Wendekaran yê Demokratîkan Zubeyde Kayaye dîyar kerd ke no tecîro girankerde serê têkoşînê azadîyeya şarî de yo. Ez veng dana heme şaran ke hemverê tecrîd, şer û şuxulnayîşê kîmyewîyan de têkoşîn bikerê.”

 

Tecrîdê serê Rayberê PKKyî Abdullah Ocalanî giran beno û 21 aşmî yo ke Rayberê PKKyî Abdullah Ocalanî, tepişteyê bînî Omer Hayrî Konar, Hamîlî Yildirim û Veysî Aktaşî yê ke Îmrali de binê tecrîdî de yenê tepiştene ra xeber nîna girewtiş. Tewr peynî 25ê adara 2021î de keyeyê Ocalanî pê telefonî pêvîyaşêk kilm pê ardbî. Avûkatî her hewte semedê pêvînayîşî muracat kenê la muracatê înan bi bahaneye ‘qedexeyê pêvînayîşê avûkatan’ Dadgerîya Înfazê Bursa seba 6 aşman dana, yenê astengerdiş û yê keyeyî zî bi cezayê dîsîplînî yê 3 aşman yê Serekatîya Heyetê Dîsîplînê Îmralîyî yeno astengkerdiş.

 

Dezgehê mîyanneteweyî hemverê binpaykerdişê heqan yê Tirkîya de bêvengîya xo pawenê. Komîteya Vernîgirewtişê Muameleyo Xirab û Îşkenceyî ya Ewropa (CPT) zîyareto ke Îmrali de kerdo sey sir nimnena. CPT 3ê teşrîna verêne de eşkera kerdbi ke înan Îmrali zîyaret kerdo la Buroyê Huqûqî yê Asrinî 29ê teşrîna peyêne de eşkera kerd ke CPTyî Rayberê PKKyî Abdullah Ocalanî reyde pêvînayîş nêkerdo. Nê zî qisawetî zêdînayî. Hewldayîşê Şarê Kurd û avûkatan yê seba pêvînayîşî zî dewam keno. Heto bîn de Meclîsê Meclîsê Wendekaran yê Demokratîkan 8ê kanûne de mektubêk şirawit CPTyî rê. Endama Meclîsê Meclîsê Wendekaran yê Demokratîkan Zubeyde Kayaye derheqê mektub û tecrîdî de qisey kerd.

 

‘Tecrîd tesîrê xo heme şaran ser de keno’

 

Zubeydeye da zanayîş ke tecrîdê serê Rayberê PKKyî Abdullah Ocalanî serê heme komelî de vila bîyo û wina vat: “Hemverê Birêz Abdulah Ocalanî de 24 serrî yo tecrîdêk giran yeno rayraberdiş. Nêeşkenê bi keye û avûkatanê xo reyde pêvînayîş pê bîyaro. No tecrîd esasê xo de heme şaran ser de yeno rayraberdiş. Hemverê têkoşînê şaro bindest de no tecrîd yeno girankerdiş. Fikre Birêz Abdulah Ocalanî heme şaranê bindestan eleqedar keno. Tesîr bi kedkaran, wendekaran û heme bajaran keno. Coka ra zî azadî û aştî yenê astengkerdiş. Tena kesêk nê îdeolojîyêk mîyanê çar dêsan de yeno astengkerdiş.”

 

‘Raybazê CPTyî vatiş de manenê’

 

Zubeydeye bale ante mektuba ke nuştî ser û domnaye: “CPT qaşo hemverê îşkenceyî de xebatan rayr abeno. La raybazê înan tena vatiş de manenî. No nîşaneyê tecrîdê 24 serran o. Nizdîbîyayîşê Mehkemaya Heqanê Merdiman ya Ewropa zî wina yo. Raybazê ke no dezgeh paweno, pê nînê. Ma sey Meclîsê Wendekaran yê Demokratîkan 8ê kanûne de CPTyî rê mektub şirawit û seba ke tecrîd wedarîyo ma çalakîyêk vda dest pêkerdiş. Tena Birêz Abdullah Ocalan nê heme şar, tepişte û sîyasetmedarî para xo nê çîyî ra gênî û yenê tecrîdkerdiş. Ganî vernîya îşkenceyî bêra girewtiş. Ma Amed, Wan, Stenbol û xeylê bajaranê bînan yê Kurdistanî de çalakî da dest pêkerdiş. Ma do têkoşînê xo heta peynî rayra bibî.”

 

Seba têkoşînî vengdayîş

 

Zubeydeye qiseykerdişê xo yê peyênan de polîtîkaya şerî ser de vindert û wina peynî ard: “Sîyasetê şer şarî ver bi feqîrî û çinîbîyayîşî de beno. Ma vînenê ke butçeya gird şerî rê yena cîyakerdiş. Seba şar zî çîyêko kêm yeno cîyakerdiş. Wendekarê ke teber de wanenî mecbur manenê ke bixebetî. Raşteyanê cîyayan de îradeyê şarî yeno xespkerdiş. Bi taybetî ciwananê kurdan ser de zext esto. Bi destê dewlete ajanî yeno ferzkerdiş. Wa ciwanî hemverê nê zextan de sere nêronî. Ma hemverê zextan de vengê têkoşînî heme kesan danê.”