STENBOL - Verfeka DÎByî Ayşegul Devecîoglu da zanayîş ke ‘Konferansê cuye ya hemverê şerî’ bi amancê teşhîrkerdişê sîyasetê şerî  pê ardê û vat, îqtîdar fek sermayegozerîyê şerî vera bido û problemê kurdî çareser bikero.

 

Hêrişê Tirkîyaye hemverê Vakur û Rojhelatê Sûrîye, Başûrê Kurdistanî û sîyasetê kurdî de aloziyê Rojhelatê Mîyanên û dinya tewr girankeno. 18ê kanûne de Yewîya Seba Demokrasî (DÎB) Stenbol de konferansê ‘Hemverê Şerî de Cuye’ DÎBî deklerasyonê eşkera kerd de da zanayîş ke ganî Tirkîya sîyasetê şerî ra dûr bikewa û problemê kurdî bi rayîrê demokratîke çareser bikero.

 

Amancê konferansî

 

Verfeka DÎBî û nuşteyê Ayşegul Devecîoglu derheqê amancê konferansî de wina vat: “Konferans bi amancê teşhîrkerdişê polîtîka û stratejîyê şerî yê îqtîdarî ame kerdiş. No demêkê derg o hemverê Herêma Federal a Kurdistanî û Rojhelatê Sûrîye de hêrişî bi ca yenê. Bi amancê ma helwestê xo yê hemverê şerî de bîyarê ziwan û paştdayîşê şarê ucayî bikerê, ma nê konferansî kerd.”

 

‘Babeta esasî problemê kurdan o’

 

Ayşegule dewam de dîyar kerd ke 75 sazgehan îmza eşta deklerasyonî û wina vat: “Hemverê şerî de babetêka hîra ya. Ma sey mudaxaleyê sîyasî no konferans plan kerd. Derheqê ke ma rayîrêk senîn taqîb bikerê de ma do plansazgehêk bikerê. Problemê kurdî, problemêkê esas ê Tirkîyaye yo. Heta no çareser nêbo ma nêeşkenê qalê demokrasî bikerê.”

 

Vernîya çareserîya demokratîke ame vindertiş

 

Ayşegule dîyar kerd ke bi serran o tecrîdêkê giran serê Rayberê PKKyî Abdullah Ocalanî de yo û vat: “Eke şarêk bêro qetilkerdiş û bi bacanê ma herra şarê bînan bêra bombardumankerdiş, ma nêeşkenê qalê demokrasî bikerê. Ganî her kes nê bivîno û bizano. Yê ke nê nêvînê tena xo xapênenê. Ma pêro zanê ke demokrasî wina bi ca nîna. Ganî ma pere şerî rê, bomba û SÎHAyan rê xerc nêkerê.”

 

‘Butçe şerî rê yena visnayîş’

 

Endama Heyetê Koordînasyonê DÎBî Nesteren Davutoglu zî dîyar kerd ke vernîya weçînayîşê pêameyîşê konferansêk wina girîng o û wina vat: “Şero ke yeno kerdiş, bi amancê ke hêz bigîrê destê xo pê yeno. Pereyê ke şerî rê yenê xerckerdiş, Tirkîya rê lazim o. Bi pereyê bomba û guleyî yenê girewtiş, beşêkê pîlî yê butçeyê ma şino şerî rê. Ma hemverê nê de yê. Ma do têkoşîn bikerê. Her fikrê hemverê îqtîdarî yeno cezakerdiş. Sereka Yewîya Tabîbanê Tirkan (TTB) Şebnem Korur Fîncanci seba derheqê şuxulnayîşê çekê kîmyewî de eşkerayî dayî hedef ameyî girewtiş û ame girewtiş. La ma vanê ke madem hende şikî estê wa eşkera bikerê. Çareserî ancax bi diyalog mumkin o.”

 

‘Şerê îqtîdarî’

 

Endama Meclîsa Partîya HDPyî Aylîn Hacaloglu fikrê xo wina pare kerd: “Îqtîdar bi mîlîtarîzmî reyde şer vurnayo konsultasyonî. Şer rijneno. Cinî û tutî tewr zêde mexdûr benê. Ganî her kes hemverê şerî de vajo nê. Ganî ma nê tewr zêde bîyarê ziwan. Problemê kurdî problemo tewr pîlî yo. La heta diyalog nêvirazîyo, mumkin nîyo çareser bibo. Ganî problemê kurdî bidê verê xo. Heta nêgîrê do no problem dewam bikero.”