MERKEZÊ XEBERAN - 3ine Dadgeha Cezayê Silhî ya Dîlokî “Raporê Binpaykerdişan ê Rojane” ke DFGyî 6ê temmuze de weşênayîşî asteng kerd. 

 

3ine Dadgeha Cezayê Silhî yê Dîlokî çarçewaya waştişê avûkate Fevzîye Karaer de, seba muhtewayêkê serê keyepelê înternetî yê Komeleya Rojnamegeran ê Dîcle Firatî (DFG) ameyo parekerdiş qerarê astengkerdişî da. Muhtewayê “Raporê Binpaykerdişê Rojane” ke 6ê temmuze de ameye weşanayîş û binpaykerdişê hemverê çapemenî û azadîya xo îfadekerdişê qal keno, ameyî astengkerdiş.

 

Derheqê beşê têkilî de wina yeno vatiş:

 

“* Heyetê Berzî yê Radyo û Televîzyonî (RTUK) seba xeberanê derheqê kiştişê Pisporê Kardiyolojiyî Ekrem Karakaya ke Nêweşxaneyê Dewlete ya Konyayî de amebi kiştiş, qerarê qedexeyî da. 5ine Dadgeha Cezayê Silhî yê Konyayî de qerarê hûmara 2022/2828ine rê xeberê derheqê hedîse qedexe kerd. 

 

* Muxabîrê Ajansê Mezopotamyayî (MA) Yakûp Demîr wextê qezaya Sûrî ya Amedî pêrodayîşê mabêne esnaf û polîsan de antêne, rastê hêrişê avûkate Fevzîye Karaere ke endama Baroya Dîlokî ame. Seba hêrişê Fevzîye, biriyê Demîr qeleşya.

 

* Bi sebebê ke Parlamenterê HDPyî Mehmet Tiryakî bernameyêkê Halk TVyî de seba Abdullah Ocalanî çekuya ‘birêz’ şuxulna, cezaya vindernayîşî 3 bernameyî dayî kanal.

 

* Rojnameger Can Atakli ke seba vatişêkê xo yê hemverê mamosteyêkê dûrî ra perwerde dano, bi îdiayê ‘Dişminî û kînê mîyanê şarî de virazneno û înan qij fîneno’ ame muhakemekerdiş, Dewa de 10 hezar û 110 lîra cezaya pereyan ci rê ameye birnayîş.