MERKEZÊ XEBERAN - Ame zaneyîş ke tuta 14 serrî ke paytextê Îranî Tahran de merkezê polîsan de ameyêne tepiştiş, netîceyê destdergîye de dinyaya xo bedelnaye.

 

Dima ke cinîya kurde Jîna Emînî 16ê êlule de Tehran de hetê 'polîsanê exlaqî' yê Îranî ra amebî qetilkerdene serewedaritişê Rojhelatê Kurdîstanî û Îranî dest pêkerdbi. Çalakîyanê Rojhelatê Kurdistanî û Îranî yê bi şîarê 'jin, jiyan, azadî' aşman xo pey de verdayî û çalakî dewam kenê. Bi des hezaran kesî bahaneyê ke tewrê çalakîyanê bîyî ameyî tepiştiş û destbendkerdiş. Yeno vatiş ke hûmarêk zêde tutan zî ameyî destbendkerdiş û tepiştiş. 

 

Goreyê pawitoxê hetê merdiman Tahran de kênaya 14 serrî merkezê destbendkerdişî de cuya xo vînî kerd. Ame zaneyîş ke domana 14 serrî netîceyê destdergîya ke merkezê destbedkerdişî de pê ame de dinyaya xo bedelnaye.

 

Pawitoxê heqê merdiman dayî zanayîş ke tuta 14 serrî seba ke kincanê xo yê mektebî veta ameya destbendkerdiş û dîyar kerdî ke kênaya bi nameyê “Masume” taxanê feqîran yê Tahranî de cuyena.