ÎZMÎR - Hunermendê deyîra ‘Beraye azadî’ ke têkoşînê hemverê serdestîyê camêrdan vana, bi hîrê ziwanî vajenê û silam şorişê Îranî rê şawitî û bale antî serê sloganê ‘Jin jiyan azadî’ ke bîyo unîversal.

 

Dimayê Jîna Emînî hetê rejîmê Îranî ra ameyî qetilkerdiş dima Rojhelat de bi rayberîya cinîyan xoverdayîş dest pêkerd û pêro Îran de vila bi. Xoverdayîş bi felsefeyê ‘Jin jiyan azadî’ dewam keno û sere de cinîyî xo ver danê. Sewbîna Tirkîya û heme dinya de zî mesajê paştdayîşî û heme dinya de zî mesajê paştdayîşî yenê dayîş. Îzmîr de Cematê Ahura Rîtim û Cematê Muzîkê Praksîz paştdayîşê xo yê seba şorişê, bi deyîranê hunermendê Îranî Shervîn Hajîpour ya ‘Beraye Azadî’ ard ziwan.

 

Deyîre newe ra bi ziwananê Kurdkî, Tirkî û Fransî ameye vatene. Derheqê deyîre de Cematê Ahura Rîtîm Zîlan Hasret Yildiz û Yasemîn Bellî qisey kerdî.

 

‘Ziwan cîya bî zî problemî eynî yê’

 

Zîlane dîyar kerd ke bi hemkarîya verfekê koma Ahura Samî Hosseînî yê Îranî roja Îran de taqîb kerdê û cinîyê Tirkîya şertê cîya de bê zî çîyê ke Îran de yenê ciwîyayîş ê zî ciwîyenê. Zîlane wina vat: “Deyîre bi hîrê ziwanan a. Sebebê ci no yo; Ahura komêka ke zaf ziwanî muzîk kena ya. Na kome muzîkanê ziwananê cîya îcra kena. Praksîs zî komêke ke muzîkê protestî kena ya. Demê terzê herdi koman bî yew çîyêkê wina vejîya werte. Hem zafziwanî, hem zî xeylêk kesê nê cografyayî eşkenê, fam kenê û eynî wextî de kilamêke rihê têkoşîn û prostest hewênenê vejîya werte. Shervîn Hajîpour ke deyîre Îran de viraşt. Ma vatişê deyîranê yê Farisî şuxulna û vatiş bi Kurdî û Tirkî ameye nuştiş. Ma klîb zî ant

 

‘Cinî her wareyî de hêz anê’

 

Zîlane dîyar kerd ke sloganê ‘Jin jiyan azadî’ vatişê hempar ê cinîyan o û wina dewam kerd: “Dimayê qetilkerdişê Jîna Mahsa ra dima merdimî kewtî mîyanê paştdayîşî, têkoşîn girs kerdî. Cinîyan her ware de hêzê xo awan kerdî. Senîn cinî koçikî gênê destê xo û werdê weş viraznê, demê estrumaneke gênê destê xo zî huner weş kenê. Seba cinî nê bikerê lazimî bi wareyan esta. Seba ke wareyê qîmî çin ê, ma nêeşkenê azadî hîn çîyan bikerê. Demê cinî rê ware bêro akerdiş, do awankerdiş û berardişê ci zî azad bibo.”

 

‘Jin jiyan azadî’ heme komelî hewêneno

 

Yasemîn Bellî zî bale nt serê sloganê ‘Jin jiyan azadî’ û vat no berardişê têkoşînî yo û wina vat: “No sloganêkê ra zêdeyêr o. Manaya ci muhîm a. Vatişê Kurdî ‘Jin û jiyan’ esas de cinîyan ra keweno rayîr.  Peynîya herdiyan vatişê azadîye yeno zêdekerdiş. No kakilê têkoşînê bîyaye yo. Hemverê serebûtî yê komelî de cinî zêdeyêr veng vejenê. Ganî seba azadîye pêro komel têkoşîn bikero. No têkoşîn zî bi cinîya reyde mumkin o. No têkoşîn, tena têkoşînê cinîyan nîyo, yê camêrdano zî. Komelî bîyaye keno. Çalakîyê Îranî de zî hem camêrdî hem cinî sloganê, ‘Jin jiyan azadî’ û ‘Zend Zendegî Azadî’ yeno berz kenê. Slogan pêro dinya rê vila bîyo.”

 

‘Ma bi muzîk paştdayîş da têkoşîn’

 

Yasemîne wina qedêna: “Muzîk, tesîrêkê ci yê başkerdiş û vurnayîşî esto. Ercê empatî berz keno. Vatişê na deyîre de zî başkerdişêk esto. Eke ma uca de bibayîne, ma do z bibîne parçeyêkê ê têkoşînî. La ma nika cografyêke cîya de yê û ma tîya bi muzîk paştdayîş da têkoşîn. No zî mesajêkê weş o ke nîşan dano, ma verê înan de yê.”