AMED - Baroyê Amedî seba ke Rayberê PKKyî Abdullah Ocalanî de pêvînayîş bikero muracatê Wezîrîya Edaletî û Yewîya Baroyan a Tirkîya (TTB) kerd.

 

Waştişnameyê muracatê pêvînayîşî bi îmzayê Serekê Baroyê Amedî Nahît Erenî ame kerdene. Waştişname de ame vatene ke 107 endamê înan waştê ke seba tecrîdo girankerde yê Îmraliyî peynî bibo, muracatê TTByî û Wezaretê Edaletî kerdê û dest bi hewldayîşê huqûqî bêro kerdiş. 

 

Muracat de ame dîyarkerdiş ke heqê Abdullah Ocalanî yê pêvînayîşê ke bi Qanûnê Bingehîn û Peymana Heqê Merdiman ê Ewrpo ameyo binpaykerdiş “heqê ey yê temsîlkerdişê avûkatan” ameyo binpaykerdiş.

 

Baroyê Amedî pare kerd ke derheqê Rayberê PKKyî Abdullah Ocalano ke 21 mengî yo tira xebere nêna girewtene de 105 avûkatan muracatê înan kerdo. Baroyî dîyar kerd ke nê muracatan ra semed înan zî roja dişemeyî muracatê Wezîrîya Edaletî û TTByî kerdo. Waştişnameyê muracatê bi îmzaya Serekê Baroyê Amedî Nahît Erenî erşawîya Wezîrîya Edaletî.

 

*Waştişname de nê çîyî ameyî waştene:

 

“Heqê tepişteyan est o ke bieşkê avûkatanê xo de têkilîye ronê û avûkatanê xo de mişawere bikerê. 

 

*Seba ke tepişteyî bieşkê avûkatanê xo bivînê ganî wext bêro dayene û pêvînayîşê têrî bêrê kerdene. 

 

*Rewşanê îstîsnayîyan ê qanûnan ra ber tepişteyî ganî bieşkê avûkatanê xo bivînê, tepişteyî ganî nêrê sansurkerdene. 

 

*Goreyê qanûnan ganî avûkatî zî seba ke bieşkê karê xo bikerê ganî bieşkê muwekîlanê xo bivînê.”