AMED - Rojnamegere Nûrcan Yalçine ke bi îdîayê 'Bi zanebîyayîş û bi îradeyê xo hetkarîya rêxistine kerda' di roniştena dewaya aye ya ewilî de ci rê ceza amî waştiş. 

 

Ro Nûrcan Yalçine ke vera xeberê vernîyê tevervejîyayîşê kuçeyan ê Sûrî yê Amedî de viraştbi, bi îdîayê 'Endama rêxistine ya' dewa amîbî akerdiş.  Roniştena  ewilî yê dewa, 4in Dadgeha Cezaya Girane ya Amedî de amî vînayîş. Roniştene de Nûrcane û avûkatê xo hadre bîyî. 

 

Xebere serê keyepelê xeberan de amî weşênayîş 

 

Nûrcane dîyar kerd ke wexto dîyayîşkîyê aye ameyê antiş, JÎNHA de muxabîrîyî kerdê û bi nê amancî şîya Sûrî. Nûrcane da zanayene ke, o wext heme rojnamegêrî şîyêne uca, tu qedexeyêke çinîbî. Nûrcane ard ziwan ke, na xebere di keyepelê xeberan de ameya weşênayîş û da zanayene ke, ê nêzanê dîyayîşkî hetê kamî ra û senîn ameyê antiş. 

 

Avûkat Resûl Tîmûrî dîyayîşkîyê xebera ke ameya viraştiş teqdîmê dadgehe kerd û  vat ke dîyayîşkîyê ke dosya de ca gênê 2 qisman ra yenê ca, muwekîla ey di ajansêke de xeberê cinîyan virazena, xebetêna û qismê dîyayîskî yê diyînîyî aîdê muwekîla ey yê. 

 

Persêrî ceza waşt 

 

Meqamê îdîayî mutala teqdîmê dadgehe kerd û waşt ke bi îdîaya ke Nûrcane 'Bi zanebîyayîş paştdayîş dayo rêxistine' bêro cezakerdiş. 

 

Avûkatî, dimayê teqdîmkerdişê mutalayî seba pawitişî dem waşt. 

 

Dadgehe waştişê avûkatî yê demî qebûl kerd û roniştene taloqê 5ê Temûze kerd.