
Roniştena ewilî de Nûrcan Yalçin rê ceza amebi waştiş  

2022-05-17 15:15:57


	&nbsp;

	&nbsp;

	AMED - Rojnamegere Nûrcan Yalçine ke bi îdîayê 'Bi zanebîyayîş û bi îradeyê xo hetkarîya rêxistine kerda' di roniştena dewaya aye ya ewilî de ci rê ceza amî waştiş.&nbsp;

	&nbsp;

	Ro Nûrcan Yalçine ke vera xeberê vernîyê tevervejîyayîşê kuçeyan ê Sûrî yê Amedî de viraştbi, bi îdîayê 'Endama rêxistine ya' dewa amîbî akerdiş. &nbsp;Roniştena &nbsp;ewilî yê dewa, 4in Dadgeha Cezaya Girane ya Amedî de amî vînayîş. Roniştene de Nûrcane û avûkatê xo hadre bîyî.&nbsp;

	&nbsp;

	Xebere serê keyepelê xeberan de amî weşênayîş&nbsp;

	&nbsp;

	Nûrcane dîyar kerd ke wexto dîyayîşkîyê aye ameyê antiş, JÎNHA de muxabîrîyî kerdê û bi nê amancî şîya Sûrî. Nûrcane da zanayene ke, o wext heme rojnamegêrî şîyêne uca, tu qedexeyêke çinîbî. Nûrcane ard ziwan ke, na xebere di keyepelê xeberan de ameya weşênayîş û da zanayene ke, ê nêzanê dîyayîşkî hetê kamî ra û senîn ameyê antiş.&nbsp;

	&nbsp;

	Avûkat Resûl Tîmûrî dîyayîşkîyê xebera ke ameya viraştiş teqdîmê dadgehe kerd û &nbsp;vat ke dîyayîşkîyê ke dosya de ca gênê 2 qisman ra yenê ca, muwekîla ey di ajansêke de xeberê cinîyan virazena, xebetêna û qismê dîyayîskî yê diyînîyî aîdê muwekîla ey yê.&nbsp;

	&nbsp;

	Persêrî ceza waşt&nbsp;

	&nbsp;

	Meqamê îdîayî mutala teqdîmê dadgehe kerd û waşt ke bi îdîaya ke Nûrcane 'Bi zanebîyayîş paştdayîş dayo rêxistine' bêro cezakerdiş.&nbsp;

	&nbsp;

	Avûkatî, dimayê teqdîmkerdişê mutalayî seba pawitişî dem waşt.&nbsp;

	&nbsp;

	Dadgehe waştişê avûkatî yê demî qebûl kerd û roniştene taloqê 5ê Temûze kerd.

	&nbsp;