STENBOL - Deyîra hunermend Devrîm Demîr "Tu kî yî" ke mîtîngê ewro yê Amedî de biameyîne vatiş, ameye qedexekerdiş. Komeleya Demê Cinîyan reaksîyon vera qedexeyî da.

 

Bi rayberîya Tevgerê Cinîyan ê  Azadan (TJA) û Partîya Herêma Demokratîke (DBP), ewro bi sloganê "nîjadperestî û cinsperestî rê êdî bes a, nika dem demê azadîya cinîyan o" Meydanê Îstasyonê Amedî de mîtîngê herême bêro organîzekerdiş. Deyîra Devrîm Demîr a "Tu kî yî" do meydanê mîtîngî de biameyîne vatiş, ameye qedexekerdiş. Qedexekerdiş hetê xeylêk derûdorî ra ame şermezarkerdiş.

 

Komeleya Demê Cinîyan serê medyaya dijîtalî de reaksîyon ramojna û vat: "Deyîra 'Tu kî yî' a ke meydanê mîtîngî de biameyîne vatiş, ameya qedexekerdiş. La gerek bêro zanayîş ke hemverê qirkerdişê kultur, ziwan û cinîyan de do hemverê nê zîhnîyetî deyîranê xo yê azadîye vajê."