
'Ma do hemverê qedexeyan deyîranê azadîye vajê'  

2021-10-16 12:54:21


	&nbsp;

	STENBOL - Deyîra hunermend Devrîm Demîr "Tu kî yî" ke mîtîngê ewro yê Amedî de biameyîne vatiş, ameye qedexekerdiş. Komeleya Demê Cinîyan reaksîyon vera qedexeyî da.

	&nbsp;

	Bi rayberîya Tevgerê Cinîyan ê &nbsp;Azadan (TJA) û Partîya Herêma Demokratîke (DBP), ewro bi sloganê "nîjadperestî û cinsperestî rê êdî bes a, nika dem demê azadîya cinîyan o" Meydanê Îstasyonê Amedî de mîtîngê herême bêro organîzekerdiş. Deyîra Devrîm Demîr a "Tu kî yî" do meydanê mîtîngî de biameyîne vatiş, ameye qedexekerdiş. Qedexekerdiş hetê xeylêk derûdorî ra ame şermezarkerdiş.

	&nbsp;

	Komeleya Demê Cinîyan serê medyaya dijîtalî de reaksîyon ramojna û vat: "Deyîra 'Tu kî yî' a ke meydanê mîtîngî de biameyîne vatiş, ameya qedexekerdiş. La gerek bêro zanayîş ke hemverê qirkerdişê kultur, ziwan û cinîyan de do hemverê nê zîhnîyetî deyîranê xo yê azadîye vajê."

	&nbsp;