MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene koma 28ine dewr girewt û roja 136ine de dewam keno.

 

Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, koma 28ine dewr girewt û grev roja 136ine de dewam keno.

 

Sewbîna vizêr Hemsereka DBPyî Salîha Aydenîz pêvînayîşê ke Edene de bi şarî dir kerd, bale ant serê tecrîdî û vat, "Hêrişî bi tecrîd yenê destpêkerdene, ma do yewîya xo bi ca bîyarê û vera tecrîdî têkoşîn bikerê. Heta ke birêz Ocalan azad nêbo ne Şarê Kurd ne zî şarê rojhelato mîyanên azad nêbo.”

 

Parlamentera HDPyî Dîrayet Dîlan Taşdemîr zî rayrayîşê cinîyan ê vizêr Wan de ame kerdene de qisey kerde û vat ke heta waştişê tepişteyan bi ca bîyarê ê do têkoşînê xo dewam bikerê.