WAN - Hemverê betalkerdişê Pêkerdişê Stenbolî ser o Wan de cinîyan rayayîşêk organîze bikerê, la rayrayîş hetê polîsan ra ame astengkerdene.

 

Aktîvîstê Tevgerê Cinîyan ê Azadan (TJA) û Meclîsê Cinîyan ê Partîya Demokratîke ya Şaran (HDP) ya Wanî hemverê betalkerdişî Pêkerdişê Stenbolî waştî, Kuçeyê Hunerî de rayrayîşêk organîze bikerê. La rayrayîşê cinîyan hetê  polîsan ra ame astengkerdene.

 

Serê sibayî ra Kuçeyê Hunerî hetê  polîs ra wesayîtê zirxi û TOMAyî ra ame ablûqakerdene. Kuçe serê sibayî ra ame vengkerdene û nêverdayî ke rojnamegerî dîmen biancê. Polîsan qedexeyê walitî sey bahane ramojnayî.

 

Hemverê astengîyan parlamentera HDPyî ya Wanî Muazzez Orhan, aktîvîstê TJAyî û endamê Meclîsê Cinîyan ê HDPyî kuçe de vindenê.