MELETÎ - Platformê Cinîyan ê Meletî hemverê feshkerdişê Pêkeridşê Stenbolî de çalakîya tîyatral organîze kerd.

 

Hemverê feshkerdişê Pêkerdişê Stenbolî de Platformê Cinîyan ê Demokratîke ya Meletî, Rayîro serekeyê Emeksizî de nawnayîşê  tîyatral viraştî. Çalakî de dowîzê bi nuşteyê "Pêkerdişê Stenbolî cîyabîyayîşî asteng keno", "Paştdayîşê pîsîkolojîk dano", "Heme kesê ke şîdet vînenê, paweno", "Berpirsiyarîyê dewlete zêde keno", "Bi telefonê lezgîn yê paştdayîşî paweno" ameyî wedaritene. Sewbîna madeyê Pêkerdişê Stenbolî ameyî wendiş.

 

Dewamê çalakî de cinîyan persê, "Pêkerdişê Stenbolî çi yo, çira paweno, kam paweno, ça paweno, senîn paweno?" kerdî. Cinîyan bi cewabê kurdî û tirkî zanayîş dayî der û dorê xo.

 

Cinîyê ke erbaneyî dayî piro û tilîlî û bi sloganê, "Ma fek Pêkerdişê Stenbolî ra vera nêdanê", "Pêkerdişê Stenbolî dano ciwîyayîş" berz kerdî û vatî ke do fek têkoşîn ra vera nêdê.