COLEMÊRG - Keyeyê tuto 12 serrî N.Ş.A. ke wesayitê zirxî ci qelibya, gerreyê şofêrê polîsî kerd.

 

Qezaya Geverî ya Colemêrgî Kuçeyê Cengîz Topel verê Mekezê Karî yê Amedî de 1ê Nîsane de tuto 12 salî N.Ş.A. wexto ke kuçe ra derbaz bîne, wesayîtê zirxî ci qelibî û birîndar bibi.  

 

Tuto ke birîndar bibi wedaritî  nêweşxane û lingê ey şikiyabi kerdibî alçî. Tuto ke kerdî alçî, keye de tedawîya ci dewam keno. Pîyê tutî pêwa hemserekê HDPyî ya Geverî Abdulkerîm Akdogan û avûkatê endamê Komeleya Hiqûqnasê Azadîwaştox Yusuf Çobanoglu şi Serdozgerîya Komara ya Geverî û gerreyê şoforê polîs ke wesayîtê zirxî lacê ci qelibna kerd.