RIHA - Çalakîya "Nobeta Edaletî" ya keyeyê Şenyaşarî 29 rojî yo verê Edliyeyê Rihayî de dewam keno. Keyeyî parekerdişê xo yê serê medyaya dîjîtal de dîyar kerd ke bendeyê ke Wezaretê Dade eşkerayîye bido.

 

Merdimê parlamenterê AKPyî yê Rihayî Îbrahim Halîl Yildiz 14ê hezîrana 2018 de wextê esnaf ziyaret kerdî, dikanê Heci Esvet Şenyaşar hêrişê ey û lajê ey kerdibi. Hêrişî de pî û 2 lajî ameyî kiştene û 2 lajî zî birîndar kerdî. Dimayê hedîse lajê înano birîndar Fadil Şenyaşar tepiştî. Nobeta 'edaletî' ya verê  Edliyeyê Rihayî de Emîne Şenyaşar û lajê aye Ferît Şenyaşar roja 29ine de dewam keno. 

 

Emîneya ke pêwa problemê xo yê weşîye çalakîya roniştişî dewam kena dîyar kerd ke do çalakîya xo dewam bikerê. 

 

‘Sucê merdimayî ameyo kerdene’

 

Keyeyê serê hesabê xo yê medyaya dîjîtale de wina nuşt: “Têkoşînê ma yê edaletî yê verê Edliyeyê Rihayî roja 29ine de dewam keno. Ma bendeyê eşkerayîye Wezîrê Edaletî yê. Nêweşxaneyê Pirsûsî yê Dewlete sucê merdimayî ameyo kerdene. Temsîlkarî serê hedîse padanê.