Medya Uren

 

MÊRDÎN - Bajarokê Xursî ya girêdayê qezaya Qoserê Mêrdînî de bi ameyîşê wisarî dir bi dîmenê ke boya merdimî hîra keno manayêke weş cuye rê bar keno. Coka xeylê kesî semedê na mana ra mehrûm nêmanê şinê serdayîş.

 

Bajarokê Xursî yê girêdayê qezaya Qoserê Mêrdînî, 12 dewan ra yeno meydan. Dewê ke kewenê newala rêzekoyanê qij yê mabêne Mêrdîn û Qoserî de bi ameyîşê wisarî dir beno yew, cayê ke tewr zêde serdayîşê ci beno yo. Her serre bi hezaran kesî dewa xursî de kom benê. Emsar zî reyna newe ra vilî vejênê, darê fêkîyan pel danê û koyî bi rengê zergûnayî xo xemilnenê. Merdim wazeno ke vilan boye bikero û hawayê na xozaya pak bianco zereyê xo.

 

Behişto nimte yo ke boya merdimî akeno: Xurs

 

Xurs, eynî wextî de bi çirtanê xo de bi name û veng o. No zî beno sebeb bibo wayîrê taybetmendîyêke. Eynî wextî de serê çemê Xursî de areyeyê kanî yê tarîxî ca gênê. Keyeyê înan yê kanî zî bi taybetî bale ancenê. Hetê tarîxî de zî semedo ke dewlemend o coka verê merdimî keweno no het. Eynî wextî de hetê tûtin û darê fêkîyan de zî dewlemend o. Coka sey behiştêko nimite yo. Dewijî nê behişto nimite de dest bi ramitişî kenê.

 

Cinî pincar arêdanê

 

Pincarê ke sey derman yenê xebitnayene zî tîya de zaf benê zergûn. Bi ameyîşê wisarî dir zî her ca bi pincar pir beno. Nê mewsîmî de xeylêk cinî pincar arêdanê. Cinî hem semedê werdî, hem zî semedê weşîye pincar ra feyde gênê. Bi tewirê pincaran dir dewlemendîyêke bîn ê Xursî xo dano teber. Pêwa dewlemendî, coş û kelecanê ameyîşê wisarî dir Xurs hêvîya însanan gane verdeno û zerrîya înan geş keno.