ENQERE - Avûkate Gunçe Çetîn derheqê pêkerdişê Stenbolî û qanûnê hûmara 6284 de ercnayîş kerd û vat, bi qerarê kesêke antişê Pêkerdişê Stenbolî mimkun nîyo û vat, no hem hemverê huqûqî û hem zî hemverê destûrê bingeyîn o.

 

Tirkîya de şîdetê serê cinîyan her ke şino zêde beno. Îqtîdaro ke vengê cinîyan nêeşnaweno, tewr peyîn şewêke de bi qerarêk Pêkerdişê Stenbolî ant. Cinîyan dîyar kerdî ke ê nê qerarî nas nêkenê û vatî, tu hetê huqûqî yê nê qerarî çin o.

 

Endama Merkezê Gelîncîkî ya Baroya Enqereyî û zerrîweştaya Weqfê Paştdayîşê Cinîyan, avûkate Gunçe Çetîn derheqê qerarê antişê pêkerdişê û qanûnê hûmara 6284 de ercnayîş kerd.

 

'Metnê mîyanneteweyî ra visnayîş zehmet o'

 

Gunçe dîyar kerd ke Pêkerdişê Stenbolî esas amebi girewtene û vat: "Dimayê pêkerdişêke mîyanneteweyî antiş, bêguman do siba vajê ke ma qanûnê hûmara 6284 zî bi ca nêanê. Gelo qetîyê nê esto? Ma nê zanê. Na rewşe goreyê huqûqî ya. Hetê îqtîdarî ra eşkerayîyê seke qanûnê 6284 do bi ca bêro yeno dayene. Esas de no bêbawerî awan keno. Metnê mîyanneteweyî visnayîş zehmet o, ganî goreyê usulî bo. Yanî pêkerdiş, hemfikrî lazim o. Ganî dewlete bi heqê sereyîn esas pêkerdiş ra visnayîş o. La pêwa nê şewêke de bi qerarêke vanê ke pêkerdiş antî."

 

'No helwestê dewlete semedê camêrdan beno nimûne'

 

Gunçe dewam de wina vat: "Vatişê, keye parçe beno, hemcinsî yeno teşwîqkerdene’ yeno kerdene. Serekkomar vat, ‘ma kewtê û dima ra vejîyayî.' Gelo ma ça de yê? Esas de no helwest yeno a mana, 'Ez cinîyan nêvînena. Ez hemleyê xo de cinîyan bi erj nêvînena, la ez cinîyanê xo ewnîyena.' No helwestê dewlete ke cinîyan hende pasîfize keno, bêguman bi otomotîk camêrdanê welatî rê zî beno nimûne. Semedê nê zî şîdet tewr zêde bibo."

 

'Qerar hemverê destûrê bingeyîn o'

 

Gunçe qiseykerdişê xo wina dewam kerd: "Pêkerdişêke mîyanneteweyî ra antiş, ganî raydayîşê meclîsî ra derbaz bibo. Ma bi nê usulan kewtê Pêkerdişê Stenbolî. Heyetê wezîran û serekwezîr îmza eşt. Dima ra no îmzeyê ke serekwezîr eşt bi qanûnê, 'ca de vînayî' hetê meclîsî ra ame tesdîqkerdene. La ewro pêkerdişê bi tesdîqkerdişê meclîsî kewt mîrasê bi yew îmza yeno antene. No hemverê qanûnî yo hemverê huqûqû û destûrê bingeyîn o."

 

'Girîngo ke bi kam ci ruhî do bi ca bîyarê'

 

Gunçe tewr peyîn wina vat: "Derheqê qanûnê 6284 de vurnayîşêke nêame kerdene, yanî nêame wedarnayîş. Derheqê pêkerdişî de qerar ame girewtene la na manaya ke qanûn zî do bi ca bêro nêdano. Yanî yê ke qanûn bi ca bîyarê estê. Dadger, polîs, mercîyê îdarî û wezîfedarê dewlete. Babeta nefeqeyî de zî çîyêk wina ame kerdene. Heqê nefeqeyî munaqeşe kerdî la derheqê ci de vurnayîşêk nêame kerdene. Dadger êdî semedê beşê dîyarkerde nefeqe dano. Nefeqe 2-3 serran yeno dayene. La qanûn de tu vurnayîş nêmae kerdene. Paştdayîş girîng o. Eke ma paştdayîşê xo vinî nêkerê do pêkerdişê tewr baş bêrê vetene. Ma reyna pêro muracatanê xo yê lazim bikerê. Ma bi çalakîyanê xo rêxistin bikerê û têhet de bê. Tu îqtîdar tu hêz nêeşkeno vernîya têkoşînê cinîyan pado.