MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene koma 25ine dewr girewt û roja 126ine de dewam keno.

 

Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, koma 25ine dewr girewt û grev roja 126ine de dewam keno.

 

Pêwa grev 120 zîndanan de bi hawayê bêdem û bidor dewam keno, Komîsyonê Zîndanan ê Heqê Merdiman yê  Baroyê Mêrdînî derheqê binpaykerdişê heqan de Zîndanê Tîpê E yê Mêrdînî de raporê xo eşkera kerd. Rapor de ame dîyarkerdene ke zîndanan de prosesê pandemî de goş nêdayê pakitî. Sewbîna raporî de grevê vêşanîye ke zîndanan de dewam keno zî ame vîrardiş û ame dîyarkerdiş ke problemê tepişteyan nînê çareserkerdene û pêvînayîşê girewte û akerde de zî bi bahaneyê pandemî hetê îdarekarê zîndanan ra bi hawayêke kêfî ameyo taloqkerdene.