MERKEZÊ XEBERAN - Keyeyê Dozgîn Temo ya ke hetê SMOyî girêdayê Tirkîya ra ameye destbendkerdene û dima ra Riha de ameye tepiştene, dîyar kerdî ke heqê înan yê bi telefonî ameyo astengkerdene.

 

Wextê koma paramiliterî bi nameyê Artêşa Neteweyî ya Sûrîye (SMO) hêrişê Dewa Mişrefayî yê Eyn Îsayî kerdî Dozgîn Temo  (Çiçek Kobanê) destbend kerdî û dimayê ke ardî Riha aye tepiştî. Cezaya dîsîplînî dayî Dozgîna ke cezaya muebetî ci rê ameya birnayene. Dayîka Dozgîna ke Zîndanê Tîpê T yê Rihayî de yena tepiştene, dîyar kerd ke heqê înan yê qiseykerdişê bi telefonî ameyo astengkerdene. 

 

Wehîde Osmana ke ANHAyî rê qisey kerd û vat, rêxistinê heqê merdiman û rêxistinê huqûqî kerd û dîyar kerd ke ganî peynî caardişê kêfî bîyarê.