MÊRSÎN - Çarçewaya tehqîqatêko hetê Serdozgerîya Komare ya Antalya ra yeno rayberdene polîsan eşt serê keyeyê endamê TUHAD-DERî û tewr tay 11 kesî destbend kerd.

 

Çarçewaya tehqîqatêk hetê Serdozgerîya Komare ya Antalya ra derheqê Komeleya Hetkarî Û Paştdayîşê yê Keyeyê Tepişteyan (TUHAD-DER) tehqîqat da destpêkerdiş, leşkeran serê sibayî eşt serê xeylêk keyeyê taxê qezaya Akdenîzê Mersînî. Sereştişê hemwext de 9 kesî ameyî destbendkerdene.

 

Yê ke ameyî destbendkerdene berdî  Fermandarîyê Cendirmeyan ê Qezaya Akdenîz. Ame zanayîş ke bi sebebê pere tepişteyan rê erşawitê ameyê destbendkerdene û yeno pawitiş ke înan berê Antalya.

 

Nameyê kesê ke ameyê destbendkerdene wina yê: Îdarekarê   TUHAD-FEDî yê Çûkûrova yê verê Celal Yel, Hasan Vadî, Alî Bîlen, Kadrî Ezen, Nermîn Aktug, Diyar Turgut, Eylem Turgut, Serhat Turgut û Yener Aydin. 

 

Çarçoweya eynî tehqîqatî de sereştişê Antalya de zî endamê Meclîsê HDPyî Songul Şarkli û Selma Yavûz ameyî destbendkerdene.