AMED - Amed de 4ê Sibate de Aslan Karkaş hewl dabi tutêke bikişo. Pêwa ke tute hema beşê giran yê nêweşxane de yena dermankerdene û tehlukeyê aye ya cuye esto zî versuc teber de yo û nîno tepiştiş.

 

Qezaya Bismilî ya Amedî de 4ê Sibate de Aslan Karakaş (34), ke serrêke teda tutêke rê kerdo ke semedê ci dir bizewicîyo û  bi çekê waştibi aye bikişo û giran birîndar kerdebî. Tuta ke ameye birîndarkerdene beşê giran ya nêweşxane de yena dermankerdene û Aslan Karakaşo versuc zî ganî biameyîne tepiştiş la teber de gêreno.

 

Xale tute Hamîdiye Erken dîyar kerd ke tehlukeyê warkênaya ci dewam keno û vat, "Warkênaya mi nêweşxane de têkoşînê cuye dana la versuc teber de yo û nîno tepiştiş. Netîceyê hewldayîşê qetilkerdişê tute gerek no bîne? Ma edalet wazenê. Ez semedê warkênaya xo, pêro tut û cinîyan edalet wazena.”

 

Hamdîye dîyar kerd ke ê do taqîbkerdoxê hedîse bê û vat, “Ganî pêro dinya bieşnawo. Ganî cinî hemverê şîdetê camêrdan bêveng nêmanê. Êdî bes o wa edalet erey nêmano.”