Aynur Aslan

 

WAN - Parlamentera HDPyî ya Wanî Muazzez Orhan dîyar kerd ke dewaya padayîşê HDPyî rê ameyo akerdene, semedê 687 sîyasetmedaran qedexeyê sîyasetî, wazenê HDPyî bê kadro verdê û wina vat: "No hukm binê vesayetê îqtîdarî de eşkeno na partî pado la do nê şarî çawa bitepşino? Her padayîşêk ma tewr zêde keno.”

 

Tedayê hemverê Partîya Demokratîke ya Şaran (HDP) her wext estbî û rojê vîyarte de parlamenterîya parlamenterê HDPyî yê Kocaeliyî Omer Faruk Gergerlîoglu ame vistene û eynî roje de zî Serdozgerê Komare ya Dadgeriyê Bekîr Guneş semedê padayîşê HDPyî muracatê Dadgeha Desturê Bingeyîn (DDB) da. Îdianameyî derheqê HDPyî de ame amadekerdene de semedê 687 kesî qedexeyê sîyasî ame waştene. Parlamentera HDPyî ya Wanî Muazzez Orhan zî ke yew kesa ke derheqê qedexeyê sîyasî yeno waştene, dîyar kerd ke hewl danê ke HDPyî sey problemêk bidê mojnayîş û vat, problemê esasê caardişê bêdemokratîk ê.

 

'Şar, HDP awan kerd'

 

Muazzeze dewam de wina vat: "Tu polîtîkayêke ekonomî û sîyasî yê îqtîdarî yê semedê şarê Tirkîya nêmendo. Polîtîkayê hemverê cinî û şarê kurdî zî dîyar o. Demokrasî kewto binê lingan û hukm zî açaryayo hacetê teda. Semedê ruhê netewperestî ra paştî bigîro hemverê partîya ma polîtîkayê hêrişî keno. Vistişê parlamenterîya Faruk Gergerlîoglu û dewaya partîya ma ameyê akerdene, ma sey rijnayîşê  polîtîkayê înan erjnenê. Verê nê zî parlamenterîya Leyla Guven û Musa Farisogullari ame vistene. No zî yeno manaya ke huqûq ameyo binpaykerdene.”

 

'Bi dewaya padayîşî dir dayeyê rayan zêde kerd'

 

Muazzeze vat, bi dewaya padayîşî dir waştişê qedexeyê sîyasî semedê 687 kesî yeno waştene û vat: "La ma zanê ke HDPyî de cayê tu sîyasetmedaran veng nêmend. Hemşaredarê ma, hemserekê ma, hemserekê ma, îdarekarê ma bi hawayêke bêhuqûqî tepiştî. HDP heta nika hemverê tu teda peyser game nêeşt. Şarî HDPyî awan kerd. Bi hezaran kesî semedê nê prosesî bikerê rêze de pabeyê. Semedê nê zî no sîyaset tena şîyayîşê AKPyî amade keno. No hewesêko veng o. Girseyêk bi mîlyonan pey HDPyî de yo. Bi nê padayîşê dewa dir dayeyê ma yê reyan se ra 12 vejîya se ra 20î.”

 

'Çaresarî Îmralî de yo'

 

Muazzeze tewr peyîn wina vat: "Şarî meydanê Newroze de waştişê xo îfade kerdî. Şarî cewabê padayîşê HDPyî meydanan de da. Waştişê şarî o bîn zî tecrîdê serê Rayberê PKKyî Abdullah Ocalanî yo. Meydanan de veng berz bi û ame vatiş ke muxatabê çareserîya problemê kurdan Îmraliyî de yo. Ganî nê pîrozbîyîyê Newroze hetê îqtîdarî ra rast bêrê ercnayîş. Ma hêvîdar ê ke îqtîdar tîya ra tepya  waştişê şarî esas bigîro. Padayîşê  partîye, feskerdişê pêkerdişê tena polîtîkayê dişminayî yo. Ma qetî fek destkewtişanê xo ra vera nêdanê û seke HDPyî ma do heta peynî hemverê nêheqîyan bê."