RIHA - Emîne Şenyaşar û lajê aye Ferît Şenyaşar nobetê xo yê edaletî yê 19 rojî yo dewam keno. Labelê nê prosesî de Emîne 2 rey ameye destbendkerdene û xeylêk rey polîsan mudaxaleyê ci kerdî.

 

Pirsûsê Rihayî 24ê Hezîrana 2018 de verê weçînayîşê pêroyî hetê avûkatan û merdimê Halîl Yildiz mêrdeyê Emîne Şenyaşar Haci Esvet û di tutê ey Celal û Adil Şenyaşar ameyî kiştiş. Dima ra lajê Emîne Fadil Şenyaşar zî bi birîndarî kewt zîndan. Hemverê nê Ferît Şenyaşar verê Edliyeyê Rihayî de dest bi nobetê 'êdaletî’ kerdî. Nobetê Emîne û Ferîtî roja 19ine de dewam keno. 

 

Saetê serê sibayî de Emîne û Ferîtî ameyî verê edliye û serê hesabê medyaya komelî nê parekerdişî kerdî: “Kesê ke  Nêweşxaneyê Dewlete ya Pirsûsî qirkerdiş kerdî, semedo ke waştişê ma yê edaletî asteng bikerê her entrîka kenê. Xo danê vernîya  dikin Mv. û hedîse kenê milê keyeyê ma û heqaret bi ma kenê. Do çîyêk nêbo asteng ke ma fek dewaya xo ya heqdar vera bidê.”